【聲明】港生活網站並無進行電話推廣活動

【Stephen.傾】鄭欣宜與前度談婚論嫁臨門撻Q 被秋官肥姐婚姻失敗影響愛情觀

發佈時間: 2020/10/09

鄭欣宜(Joyce)為陳志雲(Stephen)網上節目《Stephen.傾》擔任嘉賓,原來早喺14年前欣宜母親沈殿霞(肥姐)都曾經為陳志雲嘅人訪節目《志雲飯局》做嘉賓,二人甚有淵源。

{{hket:inline-image name="1.JPG"}}{{/hket:inline-image}}

(《志雲飯局》截圖)

Joyce對談中亦拋開包袱分享不同經歷,更大方提到佢嘅感情事。Joyce透露2015年宣傳歌曲《你瘦夠了嗎?》時,突然與男朋友分手,而男友當時本來更準備求婚:「佢喺我背後同屋企人安排咗求婚,但係因為一個誤會,我又全日做嘢。做完嘢之後,佢依然諗住嗰個誤會,以為我有第三者,對我嚟講係好大創傷,因為冇得點去挽救呢件事,同埋點解可以由最good跌到落最低?係好難受」。

{{hket:inline-image name="65.JPG"}}{{/hket:inline-image}}

(網上圖片)

不過Joyce非常感恩上天「好錫佢」,喺佢唔開心嘅時間就會有工作:「當時因為打緊歌,首歌我叫大家自信滿滿,但係我面對緊失戀,呢首歌反而畀咗好多力量我,之後就因為咁生咗首《無表面傷痕》,可能佢(前男友)都唔知佢畀咗咁多嘢我,但係而家已經冇聯絡。」

{{hket:inline-image name="94s16025pqn64s2nn7ns35o86psnop92.jpg"}}{{/hket:inline-image}}

疑似Joyce現任男友(IG圖片)

Joyce更自爆上一任男友係喺交友App認識:「因為我哋呢行好難識人,我又唔鍾意愛情同工作撈埋一齊,不過如果啲人認得我就bye。」穩陣嘅佢因為怕對方係壞人,更會喺同對方見面之前將見面嘅地址send晒畀朋友。

{{hket:inline-image name="8ab11fb917d06a0fa0ae5b6739b7d164.jpg"}}{{/hket:inline-image}}

(東星娛樂)

Stephen問到父母(鄭少秋與沈殿霞)嘅婚姻失敗,會否對佢有影響,Joyce直言:「冇就呃你,我都學習緊。其實我今年開始去見治療師,可能亞洲人腦海中會覺得『你係癲?』但我覺得唔係。就等於一星期你去做幾日運動,點解你容許自己花咁多時間同心機去照顧自己physical health,但係唔用等同時間去照顧自己mental health呢?兩樣都要有先得。」佢表示當初決定見治療師,係想錫自己多啲,同埋長期失眠,指自己成日諗嘢,個腦好似熄唔到咁。Stephen即搞笑說:「如果下次你熄唔到機,你就記住我問你:『你做乜諗嘢呀?』」Stephen更叫Joyce覆述一次,她笑謂:「我幾驚自己講錯。」

{{hket:inline-image name="e8c7e000fab4eb7f57a7e4a5aa39853bsaasftp20200221.jpg"}}{{/hket:inline-image}}

(東星娛樂)

2008年Joyce先後面對外婆及母親兩位至親離世,Joyce直言自己花半世都唔會克服到呢份傷痛,不過佢指假如兩人仍在世,會希望佢活得開心、精彩:「我學識人係好頑強,再難過都要過,有信念去get over同move on就得。」Joyce又大讚母親沈殿霞唱歌好好聽,指自己聽完之後自稱歌手好「shameful」。

{{hket:inline-image name="9.JPG"}}{{/hket:inline-image}}

(《志雲飯局》截圖)

撰文:黃蘊姿

【晴報睇住賞 送108份Durex杜蕾斯001及003衛生套(2片裝)】

↓聖誕禮物,該送甚麼才是?杜蕾斯有一套小小薄禮,不成敬意!↓

卡樂B激量裝薯片!蜜糖烤雞翼味 / 茄汁味!

↓【晴報睇住賞 送31份雀巢Ⓡ全營授乳套裝】↓

↓想寶寶健康贏在起跑線?媽媽營養吸收要全面!↓

卡樂B激量裝薯片!蜜糖烤雞翼味 / 茄汁味!