與舊情人輪住放閃 袁偉豪祝福岑杏賢出嫁

袁偉豪與未婚妻張寶兒昨日結伴宣傳新劇，二人已開始籌備婚禮，但因疫情未能落實婚期，計劃今年內先簽紙註冊，後補擺酒。袁偉豪說：「簽紙係必須，無理由爭住先，話晒第一次結婚，好多嘢要學習。」寶兒笑言仍未習慣被稱呼做「袁太」，又開心日前獲男友驚喜探班慶生。

至於袁偉豪舊愛岑杏賢，趁早前生日時宣布婚訊，更公開未婚夫Kelvin真身，外界指這對舊情人鬥放閃？袁偉豪說：「呢啲係外間睇法，咁啱佢哋（張寶兒、岑杏賢）生日只差一日，都係巧合啫！我有恭喜佢（岑杏賢），佢亦有恭喜我，睇到對方成長都開心。」