【聲明】港生活網站並無進行電話推廣活動

34歲生日約會連詩雅? 陳家樂堅持唔認拍拖

發佈時間: 2020/10/13

陳家樂昨日34歲生日,壽星仔朝早到葵涌拍攝廣告。最近與連詩雅的緋聞傳得鬧哄哄,家樂被踢爆昨晚有約會時即一臉尷尬,但他強調從來沒有承認拍拖,只懂冧笑地以「好朋友」稱呼對方。

陳家樂、連詩雅去年為無綫拍攝旅遊節目《12個夏天》而結緣,後來兩人疑似擦出愛火花,並於今年六月被踢爆拍拖。有媒體多次影到兩人一齊逛街,家樂更被拍得夜訪女方香閨,但兩人均對戀情三緘其口,似想保護剛萌芽的戀情。

家樂昨日開工拍廣告,收到鮮花及足球蛋糕慶生,他透露疫情期間所有工作幾乎停頓,到八月才開始工作漸多。他開心表示︰「呢個廣告酬勞相當可觀,嚟緊我同湯怡有個英皇珠寶廣告會推出,我同佢都係着婚嫁禮服。(幫你預演婚禮?)係幫佢預演婚禮呀!」

搵啱對象才結婚

蜜運中的家樂被問到何時結婚?他靦覥稱︰「工作為先,當然我都想結婚,但要搵到啱嘅人,同埋唔係短期內嘅事。(連詩雅唔啱?)我無承認自己拍拖,佢係好朋友。」生日朝早開工,問家樂收工後是否有約?他直言︰「係有要求開早嘅,有約朋友慶祝,不過拍廣告嘅嘢話唔埋,如果早收工就可以約朋友食飯。」

提到現時限聚令安排,家樂表示︰「所以分開咗好多日同家人、朋友慶祝,最有我心嘅係衛詩雅,佢前幾日已經同我切蛋糕慶祝。」收到甚麼生日禮物?家樂透露早前收到朋友親手造的足球蛋糕,問他是否「好朋友」送?家樂即甜笑謂︰「我唔會答你係定唔係嘅,哈哈!」

撰文︰倪小珊

編輯︰陳禮恒

美術︰梁政敏

34歲生日約會連詩雅? 陳家樂堅持唔認拍拖

連詩雅近日詐傻扮唔知道家樂生日。(資料圖片)