【聲明】港生活網站並無進行電話推廣活動

林嘉欣笑老公係「食肉獸」

發佈時間: 2020/10/13

茹素兩年的林嘉欣,昨日出席麥當勞聯乘Green Monday活動,宣傳「新餐肉系列」美食。嘉欣表示茹素後自覺胃口及精神好了不少:「以前食肉要瞓足八個鐘,依家瞓五、六個鐘就自然醒。」她笑言沒有要求老公袁劍偉及兩名女兒茹素:「茹素主要因為全球暖化情況嚴重,想減低碳排放,但我無叫阿女跟,始終佢哋係發育期;老公就係食肉獸,但因為佢辟穀,每日只食一餐,唔可以無肉。」

另外,嘉欣表示疫情下工作減少,令她轉而愛上製作陶瓷:「直情係迷戀呀,勤力過返工,疫情期間有好多焦慮,我用搓泥探討人生。」她夢想擁有一間屬於自己的陶瓷工作室,可會夫婦效法電影《人鬼情未了》的搓泥場面?她笑說:「唔會啦!戲中主角搓泥手勢唔正確,唔夠寫實,而且老公都無興趣整陶瓷。」