【預產期今個月】倪晨曦大肚行山示範金雞獨立 網民仲驚過佢:「小心啲！」

KOL界女神倪晨曦（Elva）已懷孕8個多月，將在今個月底生BB，近日她在IG大曬靚靚水著孕照，除了引來張敬軒搞笑留言「做咩食得咁飽」，亦被網民大讚「世上怎會有這麼美的孕婦」。雖然身懷六甲，但倪晨曦依然索爆超省鏡，而且手腳仍然非常纖瘦，穿衣亦都不太見肚，羨慕死人。昨天中午她就上傳大肚行山照，身為瑜伽達人的她亦禁不住在山上做瑜伽，仲要示範金雞獨立，令網民睇見都牙煙！

{{hket:inline-image name="1.jpg"}}{{/hket:inline-image}}

（圖片：倪晨曦IG）

《媽媽學前班》陳凱琳自揭佗細仔低調保密原因 大爆湊B壓力 唔夠人奶泵到頭痛【下一頁】

Elva先用一張背面行山照引下大家胃口，問有冇人想看正面，吸引吳若希和大批網民舉手回應。就這樣看背面的話，Elva的身形超纖瘦，完全不似已經就快生得，連她自己都指「有一秒覺得已經生完」。5小時後，她終於遵守約定放出正面照，靚相雖然引來讚賞，但是就令網民覺得好牙煙！事關Elva不但在石級邊緣企得好出，還要做出金雞獨立動作。雖然她經常教人做瑜伽，不過今時唔同往日，令網民大為緊張，紛紛留言叫她小心，又話她「好調皮」。不過看到做出高難度動作，大家都讚她好叻好厲害，「大鵬展翅」，身手比沒大肚的還要靈活，又活潑可愛。有網民更搞笑問「是否重心向下移了，所以更加容易平衡？」，還說不只背面看來不像孕婦，連正面也一樣不像。

{{hket:inline-image name="5.jpg"}}{{/hket:inline-image}}

背面看會否太瘦。（圖片：倪晨曦IG）

倪晨曦踩櫈影相意外惹批評 高EQ十個字回應 網友即收貨【下一頁】

{{hket:inline-image name="3.jpg"}}{{/hket:inline-image}}

（圖片：倪晨曦IG）

{{hket:inline-image name="2.jpg"}}{{/hket:inline-image}}

真係膽生毛！（圖片：倪晨曦IG）

{{hket:inline-image name="4.jpg"}}{{/hket:inline-image}}

（圖片：倪晨曦IG）

【懷孕7月弗到漏】倪晨曦曬性感唯美孕照 撰文感恩媽媽冒險誕下兩姊妹【下一頁】

其實Elva都不是第一次大住個肚做瑜伽，早前拍攝雜誌相亦試過金雞獨立，甚至倒立，為了影一張靚相去到好盡。3個月前她亦完全不錫身拍片示範各個甚有難度的瑜伽動作，而且不少都要頭向下，又要拗腰縮肚，真係唔好話唔危險。Elva一個月前在YouTube拍片分享自己的懷孕歷程，提到初時不覺得自己懷孕，於是還跟爸爸飲酒，3月時又在樓梯上跳舞，更不慎從幾級樓梯上摔倒滑下來，Elva都指如果當時有甚麼意外會非常自責，好彩最後BB冇事。

{{hket:inline-image name="8.jpg"}}{{/hket:inline-image}}

大住個肚仲倒立。（圖片：倪晨曦IG）

{{hket:inline-image name="9.jpg"}}{{/hket:inline-image}}

有咗BB都係小心啲好！（圖片：倪晨曦IG）

{{hket:inline-image name="10.jpg"}}{{/hket:inline-image}}

3月Elva在樓梯上跳舞時不慎摔倒，好彩BB冇事。（圖片：倪晨曦IG）

【走火入魔】倪晨曦索爆細妹倪黃昏「出道」 震驚演藝界霍汶希讚靚質疑整容【下一頁】

撰文：梁美賢
責任編輯：楊安莉