與敏之合照無尷尬 陳煒執二攤演《飛虎3》

黎諾懿、陳敏之主持全新煮食節目《今晚請客》，昨日錄影邀得陳煒（煒哥）和張曦雯做嘉賓，黎諾懿笑言可以趁機會向煒哥偷師。他透露會在節目中教觀眾如何處理海鮮，例如教大家哪些部位不可食用。陳敏之笑指會負責伴碟，她說︰「有小朋友協助做一啲簡單伴碟，我本身美勞都好高分，呢啲工夫嘢絕對無問題。」

此外，早前有傳敏之因網上轉發圖片涉政治意味，臨時被飛出《飛虎》第三輯《飛虎之壯志英雄》，改由陳煒頂替演出。敏之再次解釋︰「其實之前回應咗，疫情下我想暫停拍劇，因擔心保障唔到家人安全，依家主持節目唔使拍通宵，有多啲時間陪個仔。」至於煒哥在《飛虎3》飾演張兆輝太太，她輕鬆回應︰「接呢個角色之前，我完全唔知道係頂替邊個，反正有機會演出我都唔介意。（怕畀人話執二攤？）無所謂，當年選美我都係候補進入決賽，最重要係表現好，自然有人賞識。」

採訪︰Pauline

攝影︰林良明