鄭中基一向風趣幽默，他的YouTube Channel，設立短短七個月已經有10萬訂閱，全因他每次的短片都大放笑彈，令大家睇得非常開心。鄭中基昨晚推出的影片題目是「一人一HASHTAG 返學之匪夷所思」，他率先讀出部分有趣的留言，亦有分享到自己中學時代的趣事，相信觀眾一定有共鳴。而當中鄭中基分享的曳仔事件簿，連帶不少粗口「加持」，實在惹人發笑。
【轉型做YouTuber】鄭中基為太太余思敏浪子變住家男 戒甩壞習慣望健康陪子女成長【下一頁】
(圖片：鄭中基YouTube影片截圖)
提到上堂舉手問老師可否去廁所的一事，相信每位學生都發生過，鄭中基直言很多老師都刻意諸多留難，他說︰「記得我上堂舉手要去洗手間，然後老師話你個樣唔似好急喎，咁我問：『使唔使屙少少畀你睇？』之後就記咗我大過！」提到另一次同學真的忍不住「出事」，「我唔明點解啲老師係好唔鍾意畀學生去洗手間，我隔籬個同學舉手話急尿，老師話唔准去，跟住見到佢下面係咁流，佢已經放棄咗，就瀨出嚟，咁到我舉手話：『老師佢瀨喎！』老師問做乜嘢急尿唔出聲，頭先咪講咗囉！」鄭中基說自己曾經質疑老師的英文，老師教魷魚是Grouper，他舉手發問：「咁Squid係咩？」結果老師喝他：「出去！扯！你同我躝！」
(圖片：鄭中基YouTube影片截圖)
（圖片：電影《追擊8月15》網上截圖）
（圖片：電影《追擊8月15》網上截圖）
隨後有網友提到校長的假髮被風吹走，鄭中基指事件太普通，不夠「匪夷所思」，他說：「我學校有個阿Sir，唔係假髮，係似一九分界嗰種，即係一邊好少頭髮，要用另一邊啲頭髮冚過去，咁有日我話好熱想開窗，阿Sir一開窗，啲風吹到佢成片頭髮飛起，佢好狼狽咁撥番好，我哋成班喺度笑。佢覺得（啲頭髮）好珍貴，如果我好似佢咁得番幾條，我會剃光頭就算。」
【美女廚房】鄭中基隔11年公開向椋名凜道歉 浪子變愛妻號超錫一對寶貝仔女【下一頁】
(圖片：鄭中基YouTube影片截圖)
（圖片：網上圖片）
鄭中基還說，曾經獲邀返母校分享，班主任稱看好他將來做生意，大讚其生意頭腦，「點解佢咁講呢？因為當年學校鍾意玩『金絲貓』，我諗到條絕世好橋，捉咗隻大蜘蛛返嚟，我改佢個名做『巨無霸』，係稀有品種，咁我100蚊賣畀同學。」當年「金絲貓」大約20元至30元一隻，笑言明明自己手上的只是普通蜘蛛，卻叫價100元，「大吖嘛，我都搵命搏㗎捉隻蜘蛛，好大隻好兇狠呀！」有一次，這冒牌「金絲貓」從盒子中爬了出來，老師驚見，即時把牠踩死！
(圖片：鄭中基IG）
對於自己返學最「匪夷所思」的一次，他娓娓道出當年曳仔欺凌同學一事︰「個同學返學時嗰陣，件裇衫好正常，扣好晒鈕咁，放學返到屋企啲衫爛晒，冇晒鈕。點解呢？因為我同同學玩番攤，唔夠鈕，咪叫佢埋嚟，扯爛佢件衫，啲鈕甩晒出嚟，拎嚟用！佢屋企人應該覺得好匪夷所思。」
(圖片：鄭中基IG）
(圖片：鄭中基IG）
責任編輯：楊安莉