自認腳頭好 羅仲謙望新劇帶旺張曦雯

羅仲謙、韋家雄、張曦雯（Kelly）及張秀文等昨日宣傳新劇《木棘証人》，謙仔相隔四年再拍無綫劇，他發現有很多女星冒起，又自爆腳頭好，不少合作過的女星都會在台慶頒獎禮上奪獎，而他亦搞笑自封資歷最深的「飛躍進步男藝員」候選者。

羅仲謙經常帶旺拍檔，他笑言︰「（公司）力捧緊Kelly，自己都好彩，其實有啲一齊合作過就攞獎（你指老婆楊怡？）佢係前輩，經驗豐富過我。」張曦雯將有新劇《木棘証人》及《踩過界II》出街，亦即將開拍《白色強人II》，問她是否打算爭視后？Kelly即說︰「無，一定唔會。（謙仔旺女主角喎！）咁可唔可以攞多次『飛躍』？呢套劇係我喺美國讀完演技課程後返嚟拍，希望大家睇到我有進步啦。」

有指謙仔回歸TVB拍劇爭視帝，他否認報道更自嘲只是做陪襯，曾經多次提名「飛躍進步男藝員」，卻從未成功跑出，難怪他對獎項十分淡然：「希望新劇口碑好，我將啲運氣畀晒Kelly，最緊要開心。」

張秀文唔怕得罪人

張秀文玩遊戲時示範「港女十式」動作，她笑言︰「平時我唔會咁樣做，我有時都幾麻甩，森美大哥都話見到我就諗起『碟頭飯』。不過我有時都好女仔，如果對住熟朋友，我可以好粗豪，又可以扮低能。」

此外，張秀文近日與崔建邦合作主持清談節目《諸朋好友》，主要由崔建邦邀請圈中好友做嘉賓，秀文負責做醜人，問嘉賓一些難以啟齒的問題，問她會否怕得罪人？她表示︰「我成日都得罪人㗎啦，不過我會笑住冧番人。」

採訪︰Pauline

編輯：陳禮恒

美術：梁政敏