《愛回家之開心速遞》中，KC（歐瑞偉飾）和Terry（李偉健飾）這對舅甥一向被觀眾視為「熒幕CP」。事關他們除了是親戚關係之外，不少劇情都總是帶出一股「愛戀之情」︰KC會孭起Terry，氹佢瞓覺 ; 當Terry出事時，KC是最緊張的一人，更會第一時間趕到他身邊拯救他，相反亦然。網友們不時會為他們製作浪漫的海報或搞笑照片，營造「男男CP」的搞笑氣氛，絕對是電視觀眾非常受落的一對。
《愛回家》Terry愛上老太婆波波閃「分」 73歲曉華真‧囡囡唔係楊怡而係...【下一頁】
(圖片：李偉健IG )
(圖片：李偉健IG )
(圖片：李偉健IG )
近日，李偉健接受《Think Big天地》童星芷晴和Patrick Sir林溥來的訪問，大談他入行前的漫畫家工作。李偉健直言，自懂得執筆以來就很喜歡畫畫，後來圓夢成為漫畫家，在出版社以繪畫為生，可惜後來漫畫室收入大減，加上參選《香港先生競選》後，他正式轉行做演員，加入娛樂圈。李偉健在節目中都被兩位主持稱呼為「Terry」哥哥，可見角色入屋程度非常之深。提到由漫畫家轉戰演員，他直言非常困難：「畫漫畫唔需要講嘢，一張紙上面就表達晒，你見我而家講嘢，仍然會有懶音同口齒不清。有時見番以前漫畫界嘅朋友，佢哋會讚我叻咗好多，口齒好伶俐。其實以前講嘢真係唔叻，唔識同人溝通，而家真係好咗好多，係呢個行業幫到我嘅嘢。」
(圖片：《Think Big 天地》電視截圖)
(圖片：《Think Big 天地》電視截圖)
(圖片：《Think Big 天地》電視截圖)
李偉健表示演藝事業上，幫助他最大的正是「KC」歐瑞偉，他說：「因為喺我最低潮時，唔係冇工作，而係我演得太唔好嘅時候 ; 呢個係秘密嚟，我曾經講過都係唔做喇，後來KC瑞偉哥打電話畀我，話Terry呢個角色幾好，有得發揮，慢慢勸服我，之後就一直做到而家。」
《愛回家》Terry捱十幾晚通宵完成畫作 提議出「龍家」漫畫 佢話...【下一頁】
同場的Patrick Sir直言自己親眼見過歐瑞偉幫助李偉健的暖男行為，他說：「因為大家成日喺canteen碰到面，有時我晨咁早返嚟公司，見到佢陪你對稿，真係好好！」李偉健稱不只對稿，還會教他語氣和表情等等，被很多同事指他偏心只教一個，李偉健說：「KC咪會答：『唔啱你又試吓早啲返嚟囉，咁咪教你！』，其實係因為我低天份要教啫。」
(圖片：《Think Big 天地》電視截圖)
(圖片：《Think Big 天地》電視截圖)
(圖片：《Think Big 天地》電視截圖)
(圖片：《Think Big 天地》電視截圖)
(圖片：《Think Big 天地》電視截圖)
李偉健表示自己會繼續畫漫畫，就算工作再忙，腦海入面都會構思不同的題材，他以往曾在社區中心和展翅課程教漫畫，他說：「有時候教小朋友畫畫，感覺反而係被教番轉頭，佢哋天馬行空想出嚟嘅嘢，係我從來冇諗過，係教畫過程最大嘅得著。」而節目中，他送Patrick Sir一幅全家福漫畫外，更即席為童星芷晴畫可愛卡通，令她非常興奮，更禮尚往來，親畫一幅心目中Terry形象的畫，來表達謝意。
責任編輯：楊安莉