【教學爭議】「助」字寫成「力且」被罰抄100次 家長撐左撇子兒子：老師教法有問題

老師應按學生情況因材施教，但近日一位家長在網上大呻，指老師教學生寫「助」字時，強調「寫開字嗰隻手係要用力」，故「力」應在右邊、「且」在左邊，由於事主兒子為一名左撇子，結果將「助」字寫成「力且」，被老師罰企兼罰抄，令事主質疑老師做法有問題。

一位網民上周五（16日）在網上討論區發文，指當日接兒子放學時看見他不斷哭泣，追問下得知原來中文科老師在課上教寫「助」字時，為加深同學記憶，指寫「助」字時可分拆成「且」和「力」，並形容：

「寫開字嗰隻手係要用力，所以『力』永遠喺右邊，『且』喺左邊。」

不過由於其兒子為左撇子，以左手寫字，故在堂上把「助」字寫成「力且」，老師見狀即問其兒子「係唔係玩嘢」，

「仔仔問『唔係寫字隻手用力咩？』，老師就直接叫咗佢出去罰企，同埋抄100次『助』字。」

【太聰明】小六女兒被揭為「生意奇才」 向同學出租網絡每人每日收$13，詳情即睇：【下一頁】

事主續指，兒子本身未曾把「助」字寫錯，直至老師以該方法教導後出錯，對於兒子無辜被罰感不滿，形容「唔想佢畀人蝦」，故詢問網民：

「我好唔好星期一去學校投訴佢（老師）？」

網民憂「秋後算帳」：驚畀老師針對

不少網民看到帖子後，均認為該老師的教法有問題，留言指：「咁樣咪仲難記」、「投訴啦，教得差仲要罰人」、「個老師唔了解佢（事主兒子）係左撇子，就話佢玩嘢，係好大問題」；惟有人擔心事主投訴後會令兒子日後受針對，「我都做人老竇，好驚發生呢啲事，投訴又驚畀老師針對」、「唔一定講到要投訴咁緊張，小事一單」。

事主其後補充，指當天下午已致電學校投訴，惟「校務處話個老師走咗」，而她亦擔心該老師會「記仇」，投訴後恐會對兒子「不利」。

【誰對誰錯】小三生寫漏1個字只得99分 家長質疑老師太嚴：很不必要，詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀