【聲明】港生活網站並無進行電話推廣活動

【影響一生】5旬父生意失敗破產內地坐監 揭多年來包二奶誕私生女 港男:憎自己老竇有冇錯?

發佈時間: 2020/10/19

怨恨父母是否錯誤?一名港男日前在網上訴苦,指50多歲的父親早年經營家族生意時,失敗破產收場,在內地遭受數年牢獄之災,事件更揭發原來父親在內地「包二奶」,有一名與事主年紀一樣大的私生女。父親回港後做侍應,惟兩年前被解僱後一直賦閒在家,一有錢到手就買煙買酒,甚至與一名舊女同事關係曖昧。對此,事主指媽媽只好「隻眼開隻眼閉」,而他則禁不住心中怨恨,大嘆:「憎自己老竇係咪就係錯?」

該名港男前日(17日)在網上討論區「連登」以「憎自己老竇係咪就係錯」為題發帖,指父親年輕時經營家族生意,但最終破產收場,更在內地坐了幾年監;當時事主仍是小學生,但對此事至今仍歷歷在目,

「記得呢件事爆煲嗰陣,屋企人先發現老竇喺大陸有二奶,仲生咗個同我一樣大嘅女。」

女友父母逆按單位養老,港男斥兩老不顧親情向女友獻計:「睇吓佢哋識唔識迷途知返」,詳情即睇:【下一頁

他指出,當時父親應該以為他「咁細個咩都唔知」,而母親則選擇原諒丈夫,「最尾係阿嫲畀咗錢個二奶,叫佢哋唔好再來往。」父親出獄回港,任職侍應,直至兩年前被解僱後便賦閒在家,靠妻子及兒子工作支撐家庭開支。

令事主不滿的是,父親終日無所事事,也從不會做家務,「講緊係自己用完嘅碗都要我哋洗」;而且,只有一有錢到手,父親便會買煙買酒,「成日明示暗示我要畀錢佢使」。

而最近發生的一件事,更是令事主無法原諒對方。他指出,周五(16日)晚應父親要求,幫對方手機安裝應用程式(App)時,

「唔小心望到佢同個女人(前同事嚟)有曖昧對話,原來佢成日閃咗去搵嗰個女人......我媽媽其實知,但隻眼開隻眼閉。」

事主坦言發現此事後十分憎恨父親,「見到佢日日廢係屋企都好嬲」。最後,他表示:

「其實點解咁嘅人都要結婚生仔害人?有時見到朋友嘅老竇有學識又對屋企好,真係好羨慕......」

網民安慰:唔使逼自己好大愛咁

此事引來網民熱議,不少人留言安慰事主「家家有本難唸的經」,「唔覺得你憎佢係有錯呀,佢做嘅每樣嘢都對你成長有影響」、「你老竇做到咁,憎佢好正常,不過快啲勸掂你媽走啦」、「佢做錯嘢,你係可以嬲,唔使逼自己好大愛咁……原諒唔到都唔使強逼自己」、「一個人嘅出身係點唔係最重要,重要係你自己想之後點樣」。

人妻出軌一年「斬纜」重回家庭,情夫不甘被玩弄終「自爆」一拍兩散,詳情即睇:【下一頁

 

每朝索取《晴報》:精明生活.健康家庭.開心娛樂

責任編輯:李凱晴