【聲明】港生活網站並無進行電話推廣活動

客串孭飛4集音樂節目 盧巧音做主持壓力大

發佈時間: 2020/10/20

盧巧音(Candy)早前為ViuTV音樂節目《Chill Club》擔任嘉賓,跟趙學而合唱一曲《垃圾》,引來極大回響。事隔數月,兩位「謝霆鋒舊愛」再次碰頭,昨午一齊以主持身份錄影新一集節目,Candy表示有好玩的地方,但亦會感到壓力。

盧巧音昨日在九龍灣錄影《Chill Club》,「升呢」孖趙學而一齊擔任主持,嘉賓有李幸倪(Gin Lee)、組合Dear Jane及洪嘉豪。Candy今次分別同趙學而、音樂總監鄧建明合唱,她認為上次合唱未夠完美,並表示︰「上次跟學而合唱之後,出面有好大回響,今次再同佢合唱《漩渦》。我會擔任四集嘉賓主持,其實我都有啲壓力,因為我講嘢唔係咁叻,但係我會盡力,學而同羅敏莊反應好快,我就比較鈍。(會否向老公Kolor主音Sammy請教一下?)其實大家都係咁上下。」

提到日前剛度過46歲生日,Candy透露當晚太夜收工︰「我都係喺屋企慶祝,老公不嬲都無乜驚喜,切完蛋糕,佢就去瞓覺,我去落粧,然後沖涼休息。我平時只食水果,食蛋糕已經好放肆。(有無收花?)我比較鍾意自己買,禮物都唔使啦,不如將啲錢捐出去更有意義。」

Gin Lee新歌悼念愛貓

Gin Lee最近頻頻開Live,她透露下月中推出新碟,昨午在節目中獻唱了為離世愛貓而寫的新歌《開燈熄燈》,她說︰「好緊張,因為錄音同喺屋企練歌時都爆喊,MV睇一次喊一次,我驚演出嘅時候唱到喊,不過都唔緊要,真情流露嘛。」她又計劃舉行小型音樂會,「但都要視乎疫情,我好想聽到觀眾嘅尖叫聲同埋掌聲。」

採訪︰Pauline

攝影︰林良明

編輯︰陳禮恒

美術︰梁政敏

客串孭飛4集音樂節目 盧巧音做主持壓力大

Gin Lee希望年底可以舉行小型音樂會,跟樂迷見面。

客串孭飛4集音樂節目 盧巧音做主持壓力大

趙學而