暖爸周柏豪︰囡囡每朝錫到我醒

周柏豪日前接受TVB娛樂新聞台節目《Star Talk》訪問，除了暢談推出新歌《劫後餘生》的感受，又分享與十個月大囡囡周芯悅（Sonya）相處的趣事。

柏豪透露疫情下多了時間陪伴女兒成長，亦見證女兒的多個第一次，包括叫他「爹爹」，他更突然踢爆︰「不過，我見證唔到我阿媽話我太太出去好耐未返屋企時，囡囡話『媽媽曳曳』，呢個我好想睇到，哈哈！」

此外，柏豪形容跟女兒的關係似「拍拖」，他搞笑說︰「我覺得好似比拍拖更誇張，佢每朝都錫到我醒，佢會爬上嚟，上唇下唇都錫，搞到成面口水，係好冧嘅！可能同太太拍拖太耐，都有15年，所以同囡囡一齊嘅感覺更強烈。（你會否擔心太太呷醋？）唔會，你估淨係錫我咩，囡囡錫佢先錫我㗎！」他又表示以前喜歡聽樂隊和傷感情歌，但現在家中會播放兒歌和古典音樂給女兒聽。