【聲明】港生活網站並無進行電話推廣活動

返港慶祝岑杏賢訂婚 楊秀惠豪送名牌手鏈祝賀

發佈時間: 2020/10/20

楊秀惠今年四月在馬來西亞秘密誕下女兒VY後,一直留在當地照顧家庭及打理網店生意。不過秀惠原來已秘密返港,前晚為好姊妹岑杏賢(Jennifer)補祝生日,兼慶祝對方宣布結婚。秀惠昨日接受《晴報》電話訪問,透露送了一條有紀念價值的手鏈給準新娘,認真姊妹情深。

婚後長居家鄉馬來西亞的楊秀惠,前晚在社交網上載與岑杏賢在中環某餐廳慶祝的合照。相中,秀惠為Jennifer送上蛋糕,二人頭貼頭擺出心心手勢,Jennifer右手無名指戴上巨鑽婚戒,認真閃爆!秀惠留言︰「終於能見面啦!所有的祝福終於能親自送上!」Jennifer亦留言說︰「看看誰回來?我哋終於唔需要再用FaceTime!」事後Jennifer在IG限時動態貼上名牌Cartier的紅色紙袋相片,留言說︰「充滿着厚厚愛意同祝福,Can't be more loved,知道你好錫好錫我,多謝你。」相信是秀惠送贈的禮物。

秀惠昨日接受本報電話訪問,透露因要處理公司事宜,所以一個月前已回港,剛巧Jennifer生日兼宣布結婚,故相約對方慶祝。秀惠說︰「終於可以親身去祝賀佢,大家久別重逢,傾得好開心。(送咩禮物畀Jennifer?)因為係結婚禮物,好想揀一份有紀念價值嘅,就揀咗條手鏈,不過仲未有機會見佢未婚夫。」秀惠今次帶同半歲大女兒返港,過關檢疫期間十分狼狽,幸有機場工作人員幫忙。

望低調處理婚禮

Jennifer昨日回應本報時亦興奮說:「真係好開心,我以為佢會一直喺馬來西亞,平時我哋都係用FaceTime聯絡,好多謝佢送咗條好靚同好有意義嘅手鏈畀我。」受疫情影響,她表示婚禮細節要再計劃:「喺香港好難偷偷地結婚,但我哋都想低調處理,唔會大事宣揚,我哋暫時仲係分開住。」談到35歲未婚夫張嘉俊(Kelvin)的個人資料及住址在擬結婚通知書上曝光,她坦言無得避︰「法律係要公開呢啲資料,我哋都接受。」

撰文︰倪小珊

編輯︰李潔盈

美術:梁政敏

返港慶祝岑杏賢訂婚 楊秀惠豪送名牌手鏈祝賀

岑杏賢的未婚夫家住中半山豪宅。(資料圖片)

返港慶祝岑杏賢訂婚 楊秀惠豪送名牌手鏈祝賀

楊秀惠上月帶半歲女兒回港。(資料圖片)