本屆三甲不入嘅「是非」港姐廖慧儀,由參選到而家,新聞多多,受關注程度仲大過冠軍謝嘉怡。廖慧儀早前被當時嘅男友Sam喺社交平台「公審」,指女友與節目《#後生仔傾吓偈》嘅孔德賢(Danny)過從甚密,嬲爆喺社交平台公開警告Danny唔好再搵廖慧儀。
(廖慧儀IG)
當日廖慧儀表示仲同Sam拍緊拖,對方只係飲醉咗,而Sam亦話對女朋友百分百信任,一切都係自己亂諗。
(Sam IG)
不過十日之後,Sam發分手文自爆被狠飛,隔空質問廖慧儀「點解你要咁對我?」,又指控對方為了加入娛樂圈就性情大變;相反女方一於好少理,連日嚟正常更新社交平台,睇落心情仲幾好心情喎!一眾網友似乎都向Sam投下同情票,斷定分手一事同Danny有關。
(Sam IG)
相關新聞:【孔德賢爭贏?】「狂野空姐」廖慧儀狠飛呷醋男友被聲討 「為入娛樂圈覺得我甚麼都不是?」下一頁
事隔9日後,又再峰迴路轉,廖慧儀終於忍唔住反擊,表示自己的社交網站被Hack:「密碼改幾多次都無用,原來一直偷用緊我Email!」廖慧儀疑似指前男友跟蹤她、威脅她、恐嚇並性騷擾她,之後繼續大爆佢嘅恐怖舉動:「當街偷走我電話,然後跑走!又跟蹤我落堂!炸我Whatsapp,講粗口鬧我唔去見你!全日打幾百個電話畀我,搞到我電話無電!出Post講我壞話,等世人公審我!」
(廖慧儀IG)
廖慧儀IG多次被人改密碼。(廖慧儀IG)
廖慧儀指自己畀人鬧唔緊要,因為鬧佢嘅人都唔識佢,唔知來龍去脈:「但唔好事後同我講個Post唔係你出,係Account被人Hack咗,再搵朋友食死貓,扮到事不關己 ; 又扮阿妹、扮朋友搵我,日日都玩跳樓,你要搞清楚,呢啲唔係愛嘅表現!」
(廖慧儀IG)
(廖慧儀IG)
廖慧儀再作警告,叫對方唔好繼續騷擾佢,更指對方所作所為足以令佢報警:「你要嘅解決方法我已經一早做咗,相已經Delete咗,唔該你唔好再騷擾我、打擾我朋友同我屋企人,其實好多嘢已經可以報警處理,但諗吓點解畀你騷擾咗一個月我都無咁做。點解?我一路被陌生人人身攻擊,我都無出聲,成件事如果你係受害者,呢個唔係你最想要同埋最好嘅結尾咩?」
(Sam IG)
廖慧儀絕對反擊,男友Sam亦在IG以長文回應,他承認自己曾經打過百通電話找對方,因他真的想挽回這段感情,他多次揚言自己很愛對方,曾經在廖慧儀參選期間學習入廚,親自為對方下廚,他說:「因為我真係真係好愛佢,好想同佢將來一齊組織一個家庭一齊行落去。」不過Sam亦指出,對方參選後性情和態度都大變,他說:「佢嘅絕情係我前所未見,而佢嘅絕情令我明白到佢係一個已經踏足咗娛樂圈嘅人,係食娛樂圈飯嘅人,我亦係一個圈外人,從此我哋係兩個唔同世界嘅人。」他表示自己不會再回應相關事件,衷心祝福對方感情幸福快樂。
(圖片:Sam IG)
撰文:黃蘊姿