【聲明】港生活網站並無進行電話推廣活動

3個仔女輪流「捐上床」 陳豪:有時唔知邊個瞓中間

發佈時間: 2020/10/21

陳豪把全副心機專注在家庭上,對太太陳茵媺(Aimee)千依百順,照顧三個子女亦無微不至。陳豪昨日坦言家庭支出龐大,讓他改變了花錢習慣,實行應使則使。

陳豪、唐詩詠昨日到上環出席鐘錶展,提到收藏名錶的習慣,陳豪表示︰「之前有段時間的確追求手錶,覺得時間好緊要,依家就覺得時間一定唔夠用,因為有太多嘢要兼顧。(有無足夠時間瞓覺?)其實真係唔夠,雖然仔女已經大個咗,但瞓到半夜都要睇下佢哋有無踢被,有個又要屙夜尿。」三個子女會否喜歡黐爸爸媽媽睡覺?他即笑言:「幾個小朋友都會輪流同我哋一齊瞓,有時瞓到朦朦朧朧,都唔知邊個瞓喺我同Aimee中間。」可會擔心失去兩公婆的親密時光?陳豪認為自從有小朋友之後,兩夫妻的時間已不重要,而他和Aimee都非常享受跟子女相處的時光。

祝福舊愛廖碧兒結婚

此外,有傳舊愛廖碧兒將於明年結婚,陳豪大方表示︰「確實咗先啦,anyway我都會送上祝福。」

問到唐詩詠會否羨慕陳豪擁有幸福家庭?她表示︰「我都有幾個『小朋友』,係三隻貓,照顧佢哋食嘢、又餵佢哋食藥、陪佢哋大小二便,就好似湊小朋友一樣。我都學識分配時間,如果將來有小朋友,湊B應該都無問題。」

詩詠又表示喜歡收藏手錶,人生第一次出糧就是用來買手錶,她說︰「我仲記得隻錶好貴,都要六位數字,一直都唔捨得戴,只係收藏到現在。」陳豪聞言立刻催促詩詠要多戴手錶,他笑言︰「何止要戴呀,仲要戴到爛為止,咁先抵!」

陳豪亦透露自己最貴的手錶價值六位數字,但他笑指現時照顧三個子女的支出更龐大,交學費也不少。記者笑問陳豪,現時買給Aimee的禮物會否大縮水?他否認說︰「就算縮水,都只係縮自己嗰份。」

採訪︰Pauline

編輯:陳禮恒

美術:梁政敏

3個仔女輪流「捐上床」 陳豪:有時唔知邊個瞓中間

唐詩詠笑說目前忙於湊貓,無暇結識異性。