尹光有「廟街王子」之稱，其獨特的歌唱風格和rap，深受老中青樂迷愛戴，日前他作客香港開電視節目《開工大吉77》，接受苑瓊丹（苑仔）訪問。71歲的尹光生於越南的有錢家庭，在家中長時間受到大戲和電影的「耳濡目染」，成為其入行的契機。他指：「爸爸經營好多行業，好似電影院、髮型屋等等，當時戲院不論播大戲定電影，我屋企都有個喇叭聽到晒，可能係咁開始鍾意呢行。」苑仔笑稱他為「富二代」，尹光馬上糾正話自己叫「三少」，令苑仔都要賞面稱呼一句：「唔好意思，三少！」。
（大會提供）
（大會提供）
當年越戰爆發，他因為逃避服兵役而走難到香港，投靠家境不俗的阿姨後，不用憂柴憂米，繼續做「二世祖」。話雖如此，當時阿姨對寄人籬下的尹光非常「斤斤計較」，樣樣算到盡，令他明白要靠自己，於是決定外闖做打工仔。然而並未矢志投身表演行業，反而在加入失業大軍後才輾轉成為荔園歌手，與羅文、呂珊、成龍、洪金寶等人一樣，駐劇場賣唱。對於這個經歷，他頗為自豪：「我同細佬嚟到香港，但係點都搵唔到工作，最終朋友介紹我去唱歌，起初每晚喺荔園『粵曲歌壇』唱兩首粵曲，都有一、二百人睇！」。
（大會提供）
離開荔園，尹光轉戰夜總會，擔任歌手，適逢粵劇熱潮減退，令選曲成為一大難題：「因為要唱國語歌，我國語唔標準，學得八首歌。」後來他推出《14座》一曲，道盡小巴司機「眼瞓肚又餓」的種種辛酸，大受歡迎，市井的歌詞更令他成功「入主」廟街，歌曲由街頭播到街尾 ; 雖然沒有真正在廟街唱過歌，「但大家都叫我做『廟街王子』」
尹光在麗的伙拍鍾叮噹(1960年代出道的女歌手)做節目時，又想搞搞新意思，收工之後「惡搞」一下粵曲的歌詞，而觀眾都好欣賞他「雪姑七友七個同床瞓」那種幽默詼諧，令他迅速入屋。
（大會提供）
（圖片：尹光FB）
尹光推出過不少熱賣唱片，又試過一晚唱九場，紅遍夜總會，而多次於紅館開個唱，場場爆滿更是佳話。他感恩伯樂張耀榮的賞識：「當年張生做完其他人嘅演唱會，仲有幾日檔期唔知搵邊個『攝』，原來佢鍾意聽我唱歌，所以託人跟我接洽 ; 當時一萬二千個位，賣咗兩個星期飛，都係賣得二、三百張，嚇到我同張生講︰『我唔做啦，退番啲訂金比你……』，佢話唔得，要繼續做。開騷當晚，我去化妝，老婆話出面排晒隊買飛，我唔信！親自出去睇吓，真係打咗幾個『蛇餅』，賣飛賣到九點幾，最終都有九千人入場，係奇蹟！」更在同年開多2場演唱會，風頭一時無兩。
尹光的足跡遍佈全球，到海外登台時，常常收到Fans贈送的「銀紙牌」禮物，「我試過法國唱咗兩個月，入場全部都係華人！有一次喺澳洲賣唱片，有個當地人走嚟幫襯，又試過一年內去美國唱足14場！」近年他專注與年輕人合作：「我梗係唔夠佢哋rap，啲動作又好睇好多，我唔及佢哋咁新潮！」
（大會提供）
尹光最近都有在網上開騷。（圖片：尹光FB）
又有份唱抗疫歌。（圖片：環星娛樂YouTube影片截圖）
尹光「唱而優則演」，但就大歎「拍戲比唱歌辛苦好多！」，轉數極高的苑仔，即時搵到位「入佢」：「咁代表三少捱唔到苦啦！」二人不時互窒，也識英雄重英雄互笠高帽 ; 其實苑仔曾任其個唱嘉賓，靠把口「氹」得全場發笑，尹光都想再次與她crossover：「苑仔搞氣氛一流！而家都想做場live演唱會，但我好懶又唔識搞呢啲嘢，所以叫苑仔幫手，佢夠膽搞我就夠敢唱，一齊玩吓新嘢。」該集將在25號晚上11時播放。
（大會提供）
撰文：梁美賢
責任編輯：楊安莉