【非常母子】林作最愛製造話題吸睛，單是昨日短短10小時內就在社交網上連出7個Post，由拖住女友裕美出巡去跑馬地睇樓，到國泰大裁員，林作乘機為自己保險團隊招聘空姐加入，當中有3個Post是寸爆富貴阿媽王莉妮（Lily），這對「非常母子」經常玩對着幹相當特別，林媽媽經常公開教仔，由阿仔事業到揀女友都加插意見，林作則當耳邊風懶理。
林媽媽Lily專登坐開篷跑車拍片教子。(圖片:林作FB)
林媽媽反對兒子林作和裕美拍拖,但林作越反越愛,更帶裕美睇樓。(圖片:林作FB)
因上月底林作購下一輛二手開篷車跑車，又拍片又Po相，攞車第一日載女友裕美遊車河就死火拋錨。林媽媽今次「跟車好貼」，親自拍片教阿仔買車，林作對阿媽的一番「心意」即時出Po分享，有一張林媽媽和古董開篷車合照，林作配文說:「媽媽見我買開篷車，佢話又買番架先！」最抵死是林媽媽坐古董開篷車遊車河的短片，聽到林媽媽給阿仔訓話：「仔呀～勞斯來斯呀～呢架車超級正呀，仔呀，你睇下啦，人哋呢啲先叫跑車、老爺車，知無，仔！」林作聽得出阿媽「言之有骨」：「我老母都寸我！」當然識睇就要睇留言，網民都一面倒讚林媽媽：「有咁嘅老母同個仔咁樣其實都幾開心完全冇隔膜」、「阿作，我很喜歡你老母」、「Auntie好叻去潤你個肺。林作呀林作呀正呀！」
【世紀難題】 林母被阿仔踩孤寒抬高女友 敵視裕美望林作翻撻麥明詩? 【下一頁】
林作有個富貴阿媽,為證明自己不是靠屋企,近年努力發展保險事業,兩母子不時隔空互窒,但感情很好。(圖片:林作FB)
林作買了「新玩具」,第一日即載女友裕美遊車河,不過就冇預阿媽。(圖片:林作FB)
林作開設的二手名牌包包網店已交給女友裕美打理。(圖片:林作FB)
被阿媽坐開篷跑車揶揄，林作貼出阿媽 All in式曬價值千萬包包的訪問報道，借Po問網民：「如果你有一個這樣的母親，你會選擇：第一，紙醉金迷，做個乖乖裙腳仔，唔憂做，終日無所事事。第二，發奮圖強，以她為榜樣，以超越她的高度為人生目標。我選擇第二。因此佢買個八萬四手袋，我就要買套四萬八西裝。暫時。以後係八十四萬車。」另外，林作高調出巡睇新樓盤，有網民就給他溫馨提示，叫他小心觸犯住宅物業銷售條例，會被監管局請飲咖啡。不過,本身林作是大律師,雖然已經除牌,但相信會知睇樓規矩嘅!
林媽媽的收藏總值千萬元的名牌包包,兒子林作說會視母親為榜樣,要超越她為目標。(圖片:林作FB)
(圖片:林作FB)
撰文：衛紫敏
李亞男超強基因傳Gabrielle 老竇王祖藍被阿女身高愈拉愈近 【下一頁】