黛安
黛安

恒生博愛堂行政總廚 網上開班 教員工疫境中烹出美食

發佈時間: 2020/10/22

恒生博愛堂行政總廚 網上開班 教員工疫境中烹出美食

疫情下大家多咗入廚,諗食咩都諗到頭痛。黛安聽公關姊妹講,恒生銀行博愛堂(Penthouse)行政總廚陳錦成師傅近日開辦「Penthouse教室之廚神精讀班」,將多年來Secret Recipe同大家分享,黛安都好想偷師呀!

陳錦成師傅執掌博愛堂超過10年,廚藝了得,而且獲獎無數,佢曾經獲法國美食協會專業廚師勳章,同埋兩次奪得香港旅遊發展局頒發嘅「美食之最大賞」最高榮譽金獎。今次陳師傅就揀咗10道家常菜,仲親身上陣拍片示範,當中包括欖菜藕片炒帶子、魚香茄子、鮮腐竹雙蔬卷等等,由今個月中起,一連10個星期五向恒生員工示範,喺屋企都可以煮出大師級味道。

姊妹仲話,陳師傅由16歲就入行,由低做起,於2000年開始,佢已經知道講求健康嘅飲食潮流,以少鹽、少糖、少油方法製作,一直無間斷咁鑽研唔同食材同烹調方法。陳師傅仲講笑話:「連發夢都會諗點煮餸,醒咗就即刻記低菜名,之後再嘗試下廚。」

趁住秋冬季節到來,陳師傅就推介飲啲滋潤養生燉湯,配合合時藥材,包括黨參、淮山等,可以幫助大家提升身體嘅免疫力!

撰文: 黛安 消息特靈八卦公關
欄名: 八卦名利場