浸大辦「全球大學電影獎2020」 入圍作品可網上免費欣賞

唔少人都鍾意睇電影，其實唔止商業電影先高質，唔少大學生作品都好優秀。黛安八卦到，本周末（24至25日）大館將會喺洗衣場石階舉行兩日公眾放映會，放映進入「全球大學電影獎2020」決賽嘅48部作品，大家可以一齊去欣賞呢個「學界奧斯卡」競賽作品！

由香港浸會大學電影學院舉行嘅「全球大學電影獎」嚟到第二屆，旨在鼓勵同發掘新晉大學生電影人，促進國際文化創意交流；集結咗世界各地大學生嘅優秀電影，今年仲有全球104個國家或地區，包括法國、德國、香港、伊朗等地，共有2,503份學生作品參賽，下月6日就會舉行頒獎禮，透過審視作品嘅原創性、創意、電影語言、演出技巧等元素，選出19個獎項。電影學院總監文潔華教授就話，喺今屆參賽作品中，睇到好多才華洋溢嘅年輕電影人有出色嘅敘事技巧同優厚潛質㖭。

此外，下星期一（26日）至11月8日，約150部入圍和決賽作品亦會喺網上畀公眾免費欣賞，有興趣可由即日起於大會網站登記【按此】瀏覽。