張繼聰日前作客香港電台節目《音樂說》，談起自己入行的契機，又重提結婚初期經歷的人生低潮期。一向以「愛妻號」見稱、經常跟太太大放閃光彈的他，分享與老婆謝安琪的相處之道，如何「保鮮愛情」。
（大會提供）
【爸爸你好曳】張繼聰囡囡收「18禁」中秋節禮物 網民震驚「角度的重要性」【下一頁】
（大會提供）
童星出身心繫戲劇 失戀後與音樂結良緣
童星出身的張繼聰，長大後本想繼續踏上演戲的路，對唱歌根本無興趣，指自己在演藝學院上歌唱堂時，唱到想放棄自己，「直情可以話係敷衍同不知廉恥」 ，直至一次失戀才與音樂結緣：「後生嗰陣失戀好大衝擊，組咗個『治療小組』，拎住支結他喺後樓梯又彈又唱，之後開始寫自己嘅歌，仲會去酒吧表演。」，他求學時期的創作，獲唱片公司及歌手垂青，包括鄭秀文的《Try Again》及陳奕迅的《防不勝防》，成為他的入行契機。
張繼聰細細個就開始演戲。（圖片：張繼聰IG）
（圖片：張繼聰IG）
（圖片：張繼聰IG）
【留家抗疫】張繼聰3歲囡囡雙手貼窗望海景 4000呎比華利山豪宅連泳池全面睇【下一頁】
（圖片：張繼聰IG）
新婚成人生低潮期 誕子後放下對傳媒的恨
回想新婚，張繼聰直認是其人生低潮期︰「那時面對好多壓力，一個廿幾歲男仔結婚，有小朋友，本身都夠大鑊，仲要日日畀人指指點點，更堅強嘅人會覺得好難受。」當時經常被傳媒追訪，承受巨大的輿論壓力，更萌生尋死的念頭︰「我嗰時諗一係死，一係改變自己諗法。最後明白，唔可以放棄自己嘅生命，要學識唔介意人哋對你嘅睇法。我由26歲開始面對，30歲先釋懷。」，他坦言因為「狗仔隊」而傷痕累累︰「其實只係一家人帶個仔出街玩，family time，一見到有車跟，唔知啲人又會亂寫乜嘢。」，他慢慢學懂放下，在老婆產子後體會到「生命誕生嘅喜悅」，「突然之間冇晒憎恨嘅人」，甚至會與記者聊天。
（大會提供）
（大會提供）
【與陳奕迅緋聞被翻炒】謝安琪畀心撐出軌細So都「中槍」 遭網民喪插:你覺得偷食好光榮?【下一頁】
（圖片：張繼聰IG）
婚姻如水需經營 常與謝安琪拍拖保持新鮮感
和謝安琪結婚13年，張繼聰以李逸朗的《水》概括父妻相處之道︰「好多人覺得婚姻係由愛情、激情演變到感情，我就認為婚姻好似水咁，係必須嘅。我同老婆仍有愛情，亦需要經營、維繫，所以有時都要出去拍吓拖。」，而兩人對兒子踏入青春期，則有相反看法，謝安琪感到擔心，身為丈夫的卻認為轉變屬正常︰「個仔青春期，我都開始改變溝通方式，會更認真同佢講男人嘅承擔、責任，仲有價值觀。男仔要多磨練，我會揸電單車送佢返學，佢亦冇得玩手機，都係一個 family time。」
（圖片：張繼聰IG）
（圖片：張繼聰IG）
【點解會咁？】張繼聰屋企天台見「異象」向網民請教 蕭潤邦：上次我都以為見到筍嘢【下一頁】
張繼聰與囝囝（圖片：張繼聰IG）
撰文：梁美賢
責任編輯：楊安莉