【此話當真？】蘭桂坊醉娃$2萬卡地亞錶付$78車資 的士司機心驚欲交回結局意想不到

如果收到乘客的巨額貼士，各位的士司機會如何處理？一名的士司機日前在網上發帖請教一眾網民，指自己在蘭桂坊接到一名酒醉女子，獲對方以一隻價值2萬元的卡地亞（Cartier）名錶當78元車費，「仲話有多嘅當係貼士」，令他不知如何是好。司機其後遵從網民意見，到當日女乘客下車地點尋回她，而最終結局更是令人感到意想不到，十分暖心。

該名的士司機前日（24日）在Facebook群組「的士司機資訊網 Taxi」發帖，指上周三（23日）晚上在蘭桂坊載到一名女乘客，目的地為跑馬地山村道，當時對方呈醉酒狀態，

「落車嗰陣時話唔夠現金畀，之後就除咗隻錶畀我，話隻錶已經夠畀車錢，仲話有多嘅當係貼士……有無人知道隻錶大概值幾錢？」

其後，他又補充指自己剛去當鋪問過，「係真嘅卡地亞錶，都當到2萬。請問我而家應該去警署備案定係去返山村道搵返個客？」對此，不少網民留言提醒事主，小心女乘客酒醒後會反口，「佢報警你一身蟻」、「小心被告盜竊罪」、「有無錄音先」、「客人喝醉，當時非清醒，安心及清高些，交還或交往差館」。

3歲童人有三急港媽無視司機勸告，的士上直接用水樽裝尿，詳情即睇：【下一頁】

事主於是聽從網民意見，到女乘客疑似所住、位於山村道的住所，向管理員求助尋人，希望將該隻錶交還女乘客，並向對方索回應付車資了事，「唔想因為一隻錶搞到自己惹麻煩。」

其後，他在管理員的幫助下，成功尋回該名女乘客。經溝通後，對方表示自己其實當時「唔係醉到自己做乜都唔知」，

「佢係完全知自己做緊乜，個客話隻錶當時真係決定哦畀我做車資同貼士，佢話估唔到我會過嚟話畀返隻錶佢，所以佢會守承諾將隻錶送畀我。」

於是，他們在管理員的見證下拍片及簽紙作實，「以證明個客係喺清醒下作岀呢個決定。揸咁耐的士真係第一次遇到收車資加貼士2萬。原來好人真係有好報，在此亦要多謝各位嘅提點同呢位乘客張小姐！」此外，事主又指自己不會將錶轉售圖利，

「唔會賣啦，自己時刻戴住提醒自己做一個唔貪心多做好事嘅人！」

鋼鐵廠大老闆患癌生意下滑破產，為養妻活兒截肢頂硬上改做司機，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴