【聲明】港生活網站並無進行電話推廣活動

舌遊日本 西營盤歎特色和牛

發佈時間: 2020/10/27

鍾情日本文化及美食的香港人,因疫情而閉關逾大半年,想必思鄉病發!刻下雖仍未能「返鄉下」報復性喪玩喪食,不過西營盤有一間居酒屋,東瀛氣氛超級濃厚。

西營盤雲集多元化美食,特色食店尤其多,最近有一間以武士為主題的勝本居酒屋,深深吸引街坊眼球。一入門口就見到全副日本武士盔甲、牆上鮮艷奪目的和風噴畫、天花掛滿日本油紙傘,整個氛圍都散發日本色彩。別以為這店是日本人所開,其實是外國人經營,請來洲際酒店著名日本餐廳NOBU及中環居酒屋Silencio的前行政總廚Sean Mell主理,繼續為食客帶來多款新派日本菜。

新派格調居酒屋

餐廳選用澳洲M6或M7和牛作為食材,和牛三文治先將北海道牛奶麵包微微烘烤帶脆,再將和牛加入鹽和辛辣粉,炸大約4至5分鐘,然後淋上蛋黃醬和炸豬扒醬汁,切開肉汁爆滿,豐富惹味。

Cheese burger平日就食得多,變成卷物又如何?大廚將和牛製成免治肉碎,加入洋蔥、胡椒及大蒜調味,中間塞滿煙熏車打芝士,再用紫菜包裹整件免治牛肉,沾上天婦羅炸粉再炸,感覺就像食芝士漢堡包一樣。至於招牌菜粟米天婦羅球,香脆可口,芝香味濃,佐酒一流。

編輯︰陳禮恒

美術︰梁政敏

舌遊日本 西營盤歎特色和牛

澳洲M6/M7和牛三文治($288)選用北海道牛奶麵包,微微烘烤,和牛炸至香脆內軟,淋上蛋黃醬和炸豬扒醬汁,肉質juicy,嫩滑惹味。