入行前相識 許廷鏗為林奕匡洗牙換新歌

近來疫情日漸緩和，一段時間沒公開露面的許廷鏗與林奕匡，昨日齊齊上音樂節目獻唱。原來二人識於微時，更約定互相幫忙，林奕匡寫新歌送給許廷鏗，許廷鏗則以洗牙服務回禮。

許廷鏗、林奕匡、盧巧音及趙學而等，昨日錄影ViuTV節目《Chill Club》。許廷鏗與林奕匡早於入行前已認識，更試過一起唱K，林奕匡大讚當時已是牙醫的許廷鏗十分唱得。許廷鏗笑言林奕匡為他寫新歌，他便會禮尚往來，幫林奕匡洗牙當作答謝。用洗牙換新歌豈非有賺？許廷鏗即反駁說︰「我洗牙都要用腦㗎！」

另外，林奕匡原來已半年沒出席公開活動，早前因意外右臂甩骹的他，趁休養期間專心寫歌。他說：「我寫咗十幾20首，全部交晒畀公司，無特別留畀自己。」許廷鏗則透露將於下月11日光棍節出碟︰「呢個係我原定嘅計劃，揀光棍節出碟，係因為呢隻係我第11隻個人大碟。」

盧巧音做主持獲讚

同場的盧巧音（Candy）與趙學而拍檔主持《Chill Club》，趙學而大讚第二次做嘉賓主持的盧巧音表現愈見進步：「平時Candy個人慢半拍，答嘢都要諗一陣，但頭先做節目時我一講完，佢即刻接到，要畀個叻佢！」Candy原定客串主持四集，現在獲通知再添食一集，她笑言可能會做主持做上癮：「因為大家夾得幾好，都好開心。」

採訪、攝影︰Pauline

編輯：李潔盈

美術：梁政敏