【YouTube節目】陳柏宇爆情史反遭老婆嫌「短」 親自示範秒速激嬲老婆的一句話

陳柏宇（Jason）和符曉薇（Leanne）結婚3年，感情穩定。日前Leanne拍片分享自己的愛情觀，最新一段影片還請來老公做嘉賓。Jason直指現階段不太需要愛情 ; 女方聞言十分驚訝，不甘示弱，話對方「短」，同時爆出男方情史豐富，又揚言自己曾「單方面」分手。

夫婦的對答非常搞笑，網民十分受落，大讚「你兩個真係互窒少啲都唔得嘅，不過我真係睇得好開心」、「喜歡睇你哋一齊拍片」、「你哋互動真係好好笑」。

{{hket:inline-image name="4.jpg"}}{{/hket:inline-image}}

（圖片：符曉薇IG）

{{hket:inline-image name="7.jpg"}}{{/hket:inline-image}}

（圖片：符曉薇IG）

{{hket:inline-image name="1.jpg"}}{{/hket:inline-image}}

（圖片：符曉薇YouTube截圖）

【玩‧謝我阿婆】陳柏宇3歲父母離異入住兒童之家 婆婆心痛靠包糉照顧他長大成人【下一頁】

Leanne問老公愛情為何物，不料他竟然話「現階段愛情唔係咁重要」，嚇到Leanne心都離一離，大嗌：「即係我哋冇愛情呀？」及後Jason拋書包引用科學數據指：「令人墮入愛河嘅多巴胺，喺正常情侶身上大約維持兩年」，Leanne聽後語帶不屑指：「我同你一齊唔止兩年喎，乜你咁短？」，令Jason哭笑不得。

{{hket:inline-image name="8.jpg"}}{{/hket:inline-image}}

（圖片：符曉薇YouTube截圖）

輪到Leanne爆料，話知道Jason好早拍拖，情史豐富。男方坦白承認14歲初戀，關係只維持了3天就結束 ; Leanne大惑不解，追問下才知原因，「拍拖跟想像不一樣」。

Jason承認自己認真拍過6次拖，一般約會就有廿幾次，女方表示佩服，「兩人嘅手腳加埋先數得晒」。Leanne自爆以前性格像「女王」，唔會遷就人，幸有Jason教她要互相付出，令其成長不少，Jason反指她「你而家都好女王」。

{{hket:inline-image name="3.jpg"}}{{/hket:inline-image}}

（圖片：符曉薇YouTube截圖）

陳柏宇囡囡遭網民惡意攻擊「垃圾」 老婆符曉薇發火反擊：相信有報應【下一頁】

當問及有甚麼刻骨銘心的經歷時，Jason分享一段與女朋友分開，而從加拿大返港的傷心回憶，Leanne追問：「你上次同我分手慘唔慘？」 ; Jason聽後一頭霧水，原來那只是她的「單方面」分手！Jason指對方當時發脾氣，「想分手」而已。

{{hket:inline-image name="2.jpg"}}{{/hket:inline-image}}

（圖片：符曉薇YouTube截圖）

Leanne又問Jason：「而家拍拖同以前拍拖嘅心態有乜嘢轉變？」，後者反應奇快稱：「已經好耐冇拍拖」，在Leanne不停狙擊下，Jason投降了，說道︰「以前嘅關係係靠荷爾蒙維繫，要有共同朋友和興趣先得，而家結咗婚，唔會再抱著『試下囉』嘅心態。除咗緣份，都要共同努力去令大家走到結婚階段。」

影片尾聲，Jason賣口乖拋金句：「我拍咁多次拖，都係為咗喺同你拍拖嘅時候，可以做得啱啲。」，氹得老婆眉開眼笑，男方馬上打趣：「如果下次再拍拖我都再講呢句先！」Leanne怒目回答：「睇吓我殺唔殺咗你！」

{{hket:inline-image name="9.jpg"}}{{/hket:inline-image}}

（圖片：符曉薇YouTube截圖）

【勇敢的媽媽】陳柏宇老婆佗第二胎大量出血 宮外孕致輸卵管爆裂緊急做手術【下一頁】

撰文：梁美賢
責任編輯：楊安莉