葉潔馨
葉潔馨

搶贏埋單大戰不簡單

發佈時間: 2020/10/28

搶贏埋單大戰不簡單

好客是美德,一餐飯,誰做東,都不是大件事。有時會見到一些爭埋單大戰,雖然激烈,但不能否認是發自一份簡單的誠意。

有些人做東,方式不同。有次敏儀請我在Hong Kong Club吃飯,結帳時,侍應說鄰桌的陳律師已經簽了帳單,轉頭想說聲多謝,但人已走了,相請不如偶遇,十分subtle的請客。

又有一次在陸羽吃飯,我要埋單時,伙計卻交張帳單給朋友。原來她一早已經將信用卡交給伙計,說那頓飯一定要做東。這些請客的方式常常發生。

上星期細姪女在某米芝蓮二星級的法國餐廳訂了枱和我午膳,我想請她但又怕她和我上演埋單大戰,於是預先交信用卡給一位侍應。

怎料他竟然以凌厲的語氣,用教訓的口吻對我說︰「我唔可以收你張卡,唔係以你個名訂位,你唔可以畀錢,你要尊重訂位嗰個人,你要問准佢可唔可以畀你埋張單你先至可以埋單。呢個係公司嘅規矩!」

吓!唔係啩!訂位嗰個才有權結帳!如果想要做東就要先問准對方!堂堂一間時尚的米芝蓮餐廳,竟然有如此欠缺邏輯的安排,實在是前所未見。

事後跟幾個朋友說起,大家都難以置信!以後唔敢去咯!大㕑的創意美食都被這無理的規矩抵銷了。

(本欄逢周三刊登)

撰文: 葉潔馨 資深廣播人,現為公關公司總裁
欄名: 一匡絮語