【請尊重他人】前方車禍致塞車 小巴司機遭鼓譟乘客爆粗責罵 因妹妹一句話順氣破僵局

各行各業均有各自難處，切勿任意刁難別人。一名女網民在網上發帖，指日前搭小巴期間，因前方發生車禍以致進退維谷，更甚是有乘客對司機爆粗責罵 ; 司機大感不滿，索性「拉手掣」停車累鬥累。最終司機因車上一名年輕女乘客的「好聲好氣」而解氣，尋求方法「逃出生天」，兜路將所有乘客送往目的地。

該名女乘客昨早（27日）在其個人Facebook公開發帖表示，自己剛才搭小巴出元朗時，因前方發生車禍，小巴被困進退不得；當時一眾乘客為此鼓譟，不斷爆粗責罵司機，「又叫司機掉頭，又叫司機兜呢度兜嗰度，司機睬佢都有味，一句『呢架綠Van嚟㗎』KO晒全部人……」

七人車擋路男女大鬧九巴，事隔3日再添一女子被捕，詳情即睇：【下一頁】

事主續指，司機越被人鬧就「越唔郁」，「原本佢仲Call上台，搵辦法，最後索性拉手掣。其實係㗎，前多幾個車位，就有個路口可以逃出困境，但你哋成班人搵人媽媽搵得咁急吖嘛。」如是者過了半小時，一名年輕女乘客開口打破僵局，

「有個妹妹好聲咁講︰『車長呀，不如咁吖，先打電話上公司，問吓可唔可以改路先。可以嘅話，轉出路口，我教你點樣行返去西鐵站吖……』。」

司機聽罷隨即解氣，「司機好順攤咁打咗個電話，然後雖然兜咗個大圈，架車都終於去到目的地」，沿途仍然有乘客爆粗鬧司機。

對此，事主指其實司機也有保險問題之難處，因此不能輕易改道而行，「萬一，因為改路而遇上意外，問題就係邊個授權你唔依指定路線載客」。最後她呼籲大家做人要將心比己，

「有時如果易地而處，我係嗰位司機，無指示下都會唔郁啦……你覺得予人方便，但最後自己可能要承擔後果。」

網民：乘客與司機吵架實屬不智

此事引來網民熱議，文章亦被轉載至其他Fb專頁。對此，不少人大讚妹妹做得好的同時，亦認為「好漢不吃眼前虧」，乘客與司機吵架是不智之舉，「趕時間X媽媽？睇吓『堂軚』係邊個揸住先！」

乘客欠付車資反毆打車長，揮拳毆頭5次城巴嚴厲譴責，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴