鄧紫棋（G.E.M.）近年主力喺內地發展賺人民幣，歌唱事業一帆風順，大受歡迎。不過上年G.E.M.就同前經理人公司蜂鳥音樂發生合約糾紛，對簿公堂。近日G.E.M.接受一個內地網上節目訪問，談到自己近年所受嘅壓力同辛酸，自爆一度覺得患上抑鬱症。
（東星娛樂）
視頻中，G.E.M.重提當年參加《我是歌手》第3季鬧出嘅「換歌風波」。當年她因《我是歌手》喺內地一炮而紅，而喺後來一次「雙年巔峰會」，G.E.M.被指堅持唱自己嘅歌，結果導演洪濤在微博中暗示「你不換歌我們換人」 ; 最後女方冇份出席活動，內地傳媒用「忘恩負義」形容G.E.M.，相信係佢其中一個事業低潮。
G.E.M.與前經理人張丹曾經感情要好。（網上圖片）
G.E.M.表示好委屈，但因當時公司有「指示」佢唔好向電視台低頭同換歌，令佢「兩面不是人」。長期累積負面情緒嘅G.E.M.，終於「爆炸」，佢眼濕濕話，曾經自閉喺屋企，喊足7日冇出房門，一度鑽牛角尖，「想寫封遺書去證明自己的清白……我一定要講清楚！」
（影片截圖）
G.E.M.自覺患上抑鬱症，感覺到自己精神狀態「不太對」，向治療師求助，當時醫師指佢受到mental abuse（精神虐待）。
（影片截圖）
相關新聞：【高調反擊】鄧紫棋首奪台灣金曲獎威威 暗寸前經理人「沒有你我更綻放」【下一頁】
講到同前經理人公司嘅官司，G.E.M.顯得更為激動，透露公司「洗佢腦」：「反正有很多年我一直都覺得自己……就是他們跟我說的也是這樣，我只是一個被創造出來的商品。而且這個商品，沒有他們的話，我甚麼都不是。在台上的我，好像很自信，好像我在音樂上面很有主張，其實從來沒有認識到，我內心很怕。我也一直認同他們，好像沒有他們我就會『死』 ; 就像以前的我一直相信，我是一個唱作歌手，很努力做音樂，但我也以為自己只能是個唱作歌手，所以我一直都只做音樂。」，G.E.M.表示，同前公司糾紛仍處於法律程序中，再冇再透露太多當中細節。
（影片截圖）
G.E.M.鼓起勇氣離開舊公司，有從頭開始嘅「最壞打算」，講到自己最怕除咗音樂之外，「其他甚麼都不行」，更是淚灑當場：「如果一個人活在世上，只能用你夠不夠好、做得夠不夠有成就，才證明你有價值的話，那你有一天退休了怎麼辦？你的人生是不是就沒有意義了？」
（影片截圖）
相關新聞：【小圓鼻消失】G.E.M.鄧紫棋鼻窿窄到睇唔到 網民誤認：以為係《愛回家》洋洋【下一頁】
撰文：黃蘊姿