羨慕姜皓文夫妻恩愛 鄧麗欣望王子來港相見

鄧麗欣（Stephy）與台灣男友邱勝翊（王子）因疫情分隔兩地，早前Stephy生日，二人亦只能隔空慶祝。前晚Stephy與姜皓文（黑仔）及余香凝出席新片《殘影空間》首映禮，Stephy坦言與男友已八個多月沒見面，希望電影明年一月在港上映時，王子能來港睇戲兼解相思之苦。

鄧麗欣及姜皓文前晚出席《殘影空間》世界首映禮，Stephy與黑仔都是十月壽星，日前剛度過54歲生日的黑仔，笑言自己與太太生日及結婚周年同在十月，所以在家舉行驚喜派對，黑仔更自彈自唱《分分鐘需要你》冧妻。他笑說：「我本來夾埋工人姐姐送驚喜，我唱完歌，姐姐就推個蛋糕出嚟，點知佢提早咗推，不過我都成功搞喊老婆。」

Stephy聞言大讚黑仔夫婦結婚多年依然甜蜜，她自言也十分注重生日及拍拖紀念日，早前生日的她，也獲男友王子隔空送上蛋糕：「疫情之下，今年佢都送咗蛋糕畀我，好有心。」積極約男友見面？她說：「我慣咗啦！我哋八個月無見，希望疫情有好轉，其實我哋都安排緊時間見面。部戲明年一月香港上映，睇下佢到時可唔可以嚟香港，順便捧場。」

余香凝計劃視像婚禮

同場的余香凝盛傳懷孕，不過前晚她穿貼身短裙及粗踭鞋現身，似乎未見孕味。問她陀B多久？她即耍太極︰「電影最快應該出年上映。」她表示目前沒有停工計劃：「一直有人搵我拍戲，我會繼續拍，12月都會拍一部愛情小品。」提到婚禮籌備情況，她坦言疫情下甚麼也控制不到，又表示若到時情況欠佳，考慮舉行視像婚禮。

採訪︰Pauline

編輯：李潔盈

美術：梁政敏