【最經典傻姑】陳安瑩樂做「金字塔底層」成就好戲 默許長居內地初戀男友包二奶

陳安瑩日前出席香港開電視節目《開工大吉77》，接受好友苑瓊丹訪問。現年59歲嘅陳安瑩自1979年加入無綫，演過無數角色，仍然未嘗做主角嘅滋味，不過佢敬業樂業，表示自己從來冇介意過！

{{hket:inline-image name="DSC03452.JPG"}}{{/hket:inline-image}}

（大會提供）

安瑩同苑仔喺劇集中飾演兩姊妹而結緣，指苑仔係佢「大家姐」：「戲行好多前輩都好錫我，好似鄧碧雲嘅媽媽係我媽咪嘅契娘，所以我叫佢做姨媽，而關德興師傅就係我契爺。我小朋友嗰陣，梁醒波、何非凡、李寶瑩呢啲前輩睇我唱戲，係好珍貴嘅回憶，但我都冇同人講過乜嘢。」

{{hket:inline-image name="DSC03235.JPG"}}{{/hket:inline-image}}

（大會提供）

雖然「後台」咁硬，安瑩就話佢冇靠人脈，靠自己考入TVB藝訓班入行：「當年中五畢業喺屋企冇嘢做，電視播招生廣告，阿媽一句質埋嚟『又話去？』，我就同佢鬥氣『去咪去！』，咁就入咗行。我記得第一日上堂，我同考官講『我冇可能覺得自己唔得囉』。」

{{hket:inline-image name="t0111c197944e907487.jpg"}}{{/hket:inline-image}}

演「傻姑」佢認第二都應該冇人敢認第一！（網上圖片）

{{hket:inline-image name="DSC03480.JPG"}}{{/hket:inline-image}}

（大會提供）

除了幕前演出，安瑩亦參與唔少幕後工作：「當年我個樣唔識大，所以去做兒童節目，咁有時唔使拍嘢，我就去公關部做兼職，幫手回信畀觀眾。之後我去咗配音組，我仲幫過苑瓊丹配音，嗰次印象好深刻，因為把聲真係沙晒。」

{{hket:inline-image name="DSC03083.JPG"}}{{/hket:inline-image}}

（大會提供）

多年來飾演配角，安瑩亦安於現狀，為每次機會演出盡力：「因為一個金字塔得一個塔尖，要下面啲底層推佢上去，我都有功勞，演員冇分主角定配角，都要演好場戲。」，「爛做」嘅陳安瑩自言唔係富婆：「雖然我有試過爆騷嘅，但我又唔係做主角，我又冇爭過要做主角，專心投入工作就好！」

{{hket:inline-image name="DSC03488.JPG"}}{{/hket:inline-image}}

（大會提供）

工作以外，安瑩對感情都一樣咁認真，同初戀男朋友拍拖拍足41年：「阿媽話過，三十歲之前唔好結婚，呢句嘢入晒腦。男友係圈外人，叫乜嘢名就唔好講嘞！我哋係初戀，由18歲拍拖到而家，大家都冇晒結婚嘅衝動。而家佢長居內地，有朋友問我怕唔怕佢包二奶，我都諗咗一諗，自己照顧唔到佢，有人煲湯畀佢都唔錯呀！」

{{hket:inline-image name="DSC03472.JPG"}}{{/hket:inline-image}}

（大會提供）

撰文：黃蘊姿