前國泰空姐「莎姐」，變身YouTuber在網上開Live，細數空姐們最喜歡的藝人！事關她多年來因工作關係，經常接觸不少巨星、藝人，令她看盡人生百態 ; 有Like當然都有Unlike名單，不過後者只是「揞名」爆巨星藝人的難頂惡行。
十大喜愛藝人名單︰
第一位古天樂，該前空姐大讚古仔超級靚仔，就連他的經理人都一樣靚仔、友善。古仔既是電影公司老闆，又是演藝人協會會長，私底下經常做慈善，心地好好，受空姐歡迎完全不意外。
【十月盛產型男美女？】郭富城一家四口出動曬溫馨慶生 古天樂正式「入五」Sammi大讚Keep得到 【下一頁】
（圖片︰古天樂FB)
第二位是舒淇，空姐們說她冇「嘴藐藐」又冇架子，仲會同空姐講感情事，令大家感覺好窩心。舒淇講過自己想做空姐，可惜不夠高，又知道這行業工作辛苦。
(圖片︰舒淇IG)
第三位是張曼玉，當時她坐頭等，法籍男友坐經濟客位，起飛後，女方專登走到經濟客位陪男友 ; 話說當時一張由香港飛巴黎的機票，要十幾萬，空姐都有將頭等餐送到經濟位供曼玉享用。
張曼玉 (圖片:微博截圖)
第四位是好好先生任賢齊，因太太同小朋友坐經濟客位，飛機起飛後，他即從頭等艙去到經濟艙餵小朋友食嘢，臨落機又去幫太太執行李，好照顧家人。
(圖片:任賢齊FB)
第五位是周潤發，當時發哥被Fans包圍搞到最遲一個上機，上到機他向機組人員逐一講對唔住，非常有禮。
(圖片:劉嘉玲IG)
【暖男爸爸】「暴龍哥」鬈毛JuJu金魚嘴超萌搶鏡 鄭中基點解望住余香凝爆喊？【下一頁】
第六位輪到陳奕迅(Eason)，他一上機就休息，幾乎瞓到落機 ; 機組人員趁他落機前走去合照，雖然Eason好攰，都努力擠出笑容，給空姐良好印象。
陳奕迅（圖片：網上截圖）
第七位是擁有一雙「電眼」的梁朝偉，當時空姐自我介紹是馬來西亞人，偉仔就放下戒心和她傾偈講滑雪：「你知唔知我去日本滑雪戴住晒眼鏡、裝備，好多人唔認得我，我不知幾爽！」，言談間嗰種Nice、風度，不是扮出來，要結識女仔嗰種。
（圖片：網上截圖）
第八位是李心潔，像鄰家女孩，飛機上全程睇書，有文青Feel！「莎姐」又說，心潔和當時的男友彭順、彭順跟前妻所生的女兒同行，見心潔對繼女非常照顧，非常貼心。
李沁潔（圖片：網上截圖）
第九位是張學友，「莎姐」讚學友有個好好嘅經理人！當日學友坐長途機去洛杉磯，經理人專登同空姐講聲，「因為學友好攰，所以不能影相和簽名」 ; 而回程時，竟然都是同一批機組人員，這次經理人同空姐講，「學友今日OK，唔係太攰，影相簽名絕對冇問題」。「莎姐」這樣形容學友本人，「佢好斯文、好靜，單單透過眼神、身體語言，已感覺到是個謙卑嘅人。」
（圖片：網上截圖）
第十位的王菲，「莎姐」形容，機場仍是啟德時代，王菲似足細路女，在候機室，雙腳撐住前面張櫈 ; 之後叫經理人幫她買煙 ; 落機後，再見到王菲踎在行李輸送帶旁吸煙，「覺得王菲我行我素，而接觸過王菲嘅空姐，都覺得佢表面好cool，其實好溫柔，影相有求必應，好可愛！而林峯、黃宗澤都係，影合照來者不拒，友善冇架子！」
王菲（圖片：網上截圖）
難頂藝人逐個數︰
講完抵讚藝人，前空姐「莎姐」大爆藝人難頂百態。她未有開名，指一個高她半個頭的男明星放電：「當時我直情覺得佢想吞我咗落肚！但我唔過電，因佢下巴太鞋抽嘞！」
另一個是「餓鬼藝人」，坐商務位，食完飛機餐，再要求要碗粥，「空姐答佢已經派晒，佢一手將餐牌飛掟枱上，晦氣說：『咁冇嘢啦，走啦』。呢隻『餓鬼』近排到澳門某名店時，仲因冇排隊被拒入內！」
仲有個「大笑姑婆」，「不少妹妹仔空姐當佢係偶像，好想影到合照，但每次『大笑姑婆』上機就瞓，等到佢起身、準備落機，第一句就爆：『影啦影啦咁想影』，班妹妹仔空姐當堂醒晒，從此將佢Out出偶像名單。」
「莎姐」最後話，「有個男星行入去廚房同人講：『我今日好攰，唔好搵我影相同簽名』，兩名機艙服務員你眼望我眼……冇人識你喎！仲有一次，有個巨星想穿過廚房，去另一邊，本來講句『Excuse me』大家就明，佢偏偏講『I just want to pass away』，即係我想去死？在場空姐忍笑忍得好辛苦呀！」
林峯經常中港兩邊飛，接觸過嘅空姐們都讚佢Nice！(圖片：網上截圖）
撰文︰衛紫敏
【首度開腔回應】馮盈盈節目中火爆回應前度「婚訊」 孖鄭衍峰食飯要搵麥明詩做煙幕？【下一頁】