新鴻基8商埸PIXAR聖誕派對 派對車明起游走全港鬧市

聖誕節好快就到，黛安知道各大商場已開始準備慶祝活動，好似新鴻基地產旗下8大商場就打造咗全港最大型嘅聯場盛大派對「PIXAR與你聖誕友約」，首架「PIXAR歡樂放送派對車」會喺明日（31日）起至11月26日，游走於全港鬧市如銅鑼灣、旺角等送禮，粉絲千祈唔好錯過呀。

今年適逢迪士尼與彼思《反斗奇兵》25周年大日子，呢個聯場大派對有好多打卡熱點，包括東港城嘅「7米高超巨型雙層旋轉玩具樂園」，和全港首見嘅「巨型毛茸茸勞蘇房」，大家仲可以挑戰「三眼仔火箭」造型嘅巨型夾夾機，和「翠絲牛仔帽大作戰」2大遊戲贏取限定禮品。東港城、Mikiki和屯門卓爾廣場亦設有PIXAR期間主題限定店，發售多款獨家限定精品，唔少產品仲係全港首度發售㗎！