【聲明】港生活網站並無進行電話推廣活動

網爆10大最喜愛藝人 古天樂居首 前空姐YouTuber︰全亞洲航空界都喜歡佢

發佈時間: 2020/10/30

前空姐「莎姐」現時全職做YouTuber,日前她於直播中大揭秘,除了披露航空業界的光怪陸離,更盤點十位最受空姐喜愛的藝人,頭三位為古天樂(古仔)、舒淇及張曼玉。提到古仔,莎姐稱︰「呢個超級靚仔(古仔),連佢經理人都好靚仔!」

曾任職國泰航機艙務長的莎姐,離職後全職做YouTuber,日前在個人YouTube頻道「Smart Travel」直播,披露空姐十大最喜愛及最討厭明星乘客藝人。

她描述了十位天王巨星的親民態度,包括古仔(第1位)、任賢齊(第4位)、梁朝偉與劉嘉玲(第7位)等,但對於最討厭藝人則未有開名,僅以大笑姑婆、潮流教主、數字先生、藝術家導演等揞名爆某些名人明星乘客的討厭行為,而該直播頻道截至昨晚,已錄得逾11萬點擊。

對於航空界最喜愛明星第一位,莎姐說︰「全亞洲航空業界都非常喜歡佢,佢係娛樂圈都咁受歡迎,佢係好有善心嘅人,就係古天樂古老闆。佢當時在巴黎坐我班機,自己無同佢影相,但老實講,物以類聚,佢經理人都好靚仔!」莎姐又讚古仔︰「呢個超級靚仔,連佢經理人好有禮貌,雖然無咁高大!」

讚吳君如善待外傭

第二位是來自台灣的舒淇,莎姐自言跟友人曾在夜店見過對方,不覺得舒淇有明星架子。她說︰「有兩位同事服務過佢,當年佢會同我哋傾偈,除咗講感情問題,又曾經講過自己唔夠高,做唔到空姐,佢亦會明白我哋工作辛苦!對我哋好大鼓勵!」

此外,莎姐又點名稱讚蔡卓妍、鄭伊健及汪明荃等皆是友善乘客,又爆料指吳君如產女後性格大變,今年初曾乘坐莎姐服務的航班。莎姐說︰「佢(君如)有一次與外傭出埠,佢雖然坐頭等,都安排咗外傭坐商務,見佢講嘢都好斯文。」

不少網友都讚古仔是藝人典範;有人亦指今次直播花生指數滿分。

撰文︰Steven

編輯︰黃寶恩

美術︰Simon

網爆10大最喜愛藝人 古天樂居首 前空姐YouTuber︰全亞洲航空界都喜歡佢

任賢齊獲讚在航班上細心照顧家人,是一位好好先生。(資料圖片)

網爆10大最喜愛藝人 古天樂居首 前空姐YouTuber︰全亞洲航空界都喜歡佢

身為影后的舒淇被爆曾有意投身航空業做空姐。(資料圖片)