【聲明】港生活網站並無進行電話推廣活動

獻聲《堅離地》主題曲 張振朗:驚觀眾耳朵流產

發佈時間: 2020/11/02

張振朗與蔡思貝等昨日出席台慶劇《踩過界II》宣傳活動,二人同時孭飛另一部台慶劇《使徒行者3》,相當旺場。而張振朗首次做男主角的倉底劇《堅離地愛堅離地》亦有望明年播映,振朗笑言為《堅離地》唱主題曲,擔心觀眾聽完會嫌棄。

張振朗與蔡思貝這對好拍檔,昨日以劇中造型現身,思貝在台上戴回「癲姐」招牌假哨牙。提到二人主演的《踩過界II》與《使徒行者3》同期播映,變成「自己打自己」,思貝坦言覺得「唔着數」:「因為怕觀眾睇兩套劇會混淆,好彩我哋兩部劇個角色分別好大,可以畀大家睇到我哋唔同嘅表現。」

振朗希望觀眾不會睇厭他們,又自嘲說:「我係兩套連播,破唔到高海寧連播四套嘅紀錄。我只係試過連續被抽起幾套劇無播,但依家已經洗咗『地獄黑仔王』呢個名。」提到曾被抽起的《堅離地愛堅離地》明年解禁,振朗說:「呢套劇係我第一次做男主角同唱主題曲,我都好期待,但一日未播都好多變數,平常心啦。」思貝幫振朗集氣說:「我好想睇《堅離地》,睇佢做戲大飽眼福,聽佢唱歌仲耳朵懷孕!」振朗搞笑說:「我怕大家聽完會耳朵流產多啲!」

息影雪妮盡責宣傳

提到秦煌昨日回電視城出席《踩過界II》活動前,身體不適跌倒送院,振朗望對方沒大礙:「前輩行動唔太方便,平時要撑拐杖開工,佢好專業,好值得我哋學習。」他又表示最近與羅蘭合作拍劇,亦提出先拍對方戲份,好讓她盡快完成工作收工。而在劇中與秦煌演父女的思貝擔心說︰「監製通知嗰陣都好突然,我會傳信息畀佢,希望佢無事出院休息,我會提佢要食早餐。」已約滿無綫的雪妮昨日亦出席宣傳,她表示現今有不少獨居老人較難照顧自己,呼籲大家多關注老一輩。

採訪︰Pauline

攝影︰林良明

編輯:李潔盈

美術:梁政敏

獻聲《堅離地》主題曲 張振朗:驚觀眾耳朵流產

張振朗、王浩信與蔡思貝再合作,愈來愈合拍。

獻聲《堅離地》主題曲 張振朗:驚觀眾耳朵流產

75歲的雪妮(左)坦言年紀大,決定退出幕前好好休息。