黎諾懿下廚搶火險燒錄影廠

黎諾懿、戴祖儀及李家鼎等昨日錄影節目《疫境廚神秋冬盛宴》，諾懿表示節目邀請了100位素人參賽，其中一個環節更要三分鐘內煮出八人餸：「我下廚示範煮蔥爆蟶子，我想效果靚啲，加多咗一羹油，結果搶火升到幾層樓咁高！但因為錄影緊，我要扮無嘢，其實好驚燒着天花板啲器材，哈哈。」

同場的戴祖儀笑言在節目中負責試食：「我係為咗大家性命着想，今輯係學嘢先！我本身最叻煮餃子，但當然係現成貨啦！」諾懿聞言說：「佢呢啲係幸福嘅人，我太太都唔識煮嘢食。」祖儀笑言日後揀男友，若對方識下廚會加分：「不過科技發達，叫外賣都得，或者我學下廚。」

採訪︰Pauline

攝影︰林良明