香港八和會館副主席、有「萬能泰斗」美譽的粵劇名伶阮兆輝（輝哥）與繼女曾慕雪日前作客香港電台第一台《舊日的足跡》，分享抗疫期間合作首辦網上義唱籌款活動及父女的相處點滴。阮兆輝在節目中謙虛表示從來沒想過自己會成為八和會館主席：「阿姐（汪明荃）做得好好！我懶，我唔啱做主席，我搞藝術唔會偷懶，但行政等等我唔適合做，我人脈唔夠廣，我又唔算面面俱圓，我應該唔啱做。」
(圖片：東星娛樂)
阮兆輝在節目中大讚汪明荃勝任香港八和會館一職主席。(圖片：東星娛樂)
新冠肺炎疫情令不少行業處於水深火熱之中，粵劇界也不例外。輝哥與太太鄧拱璧及繼女曾慕雪（藝人曾江和鄧拱璧的女兒）於 10 月中至 11 月為粤劇界籌備網上義唱籌款活動，望支援梨園同業抗疫。輝哥直言：「因為政府對我哋粤劇界支持好少，九個月停工，抗疫基金一次過支持最高三萬蚊，真係磨成粉開水都唔夠！」輝哥又謂雖然太太早前曾為此奔波而出現輕微中風，但見籌款活動反應非常熱烈，太太又已康復，自己感到好開心。
輝哥與太太鄧拱璧。(圖片：東星娛樂)
【曾江第二任太太】阮兆輝承認太太鄧拱璧太勞累中風 「好彩救得快 已回家休息」 【下一頁】
而今次與輝哥合作舉辦籌款活動的是其繼女曾慕雪，慕雪自爆原來早已「看中」輝 Uncle：「當時我只得八歲，我哋一見如故，冇諗過接唔接受佢（輝哥），因為第一眼已經好鍾意佢，當時佢仲未同媽咪拍拖，但係我好鍾意走到佢身邊。而家我長大咗，我哋都係咁老友。」
輝哥日前與繼女曾慕雪(左)本接受節目主持車淑梅訪問。
慕雪又表示不擔心因與後父輝哥感情深厚而令父親曾江呷醋：「我諗爹哋唔會呷醋，因為爸爸媽媽分開咗各有自己嘅家庭，對佢（曾江）嚟講見到個後父竟然咁錫自己個女會好放心。佢（輝哥）真係用心錫我、關心我，我哋嘅藝術交流充斥我整個成長階段，佢嘅耐性係超爆大，佢又好錫我媽咪，令我好容納佢！我其實好欣賞呢個藝術家（輝哥），正因為佢係真真正正嘅藝術家，佢個心好純潔，好似今次籌款咁，佢仆心仆命去做，令我好感動！」
(圖片：汪明荃微博)
而另一邊輝哥亦被問及親子女阮德鏘及阮德璇會否因他與繼女感情好而呷醋？輝哥坦言自己仍然很關心他們：「但我哋唔同住，只可以聽到咩消息我都會去關心一下。當年佢哋有冇誤會我？一定有，（佢哋）會唔高興點解忽然間爸爸離開自己，大人有陣時都（對感情事）唔理解，更何況孩子？我當然知道箇中原因，但嗰啲並唔係仇恨，尹飛燕(前妻)同我到而家都係好朋友，絕對有聯繫，日子證明一切唔係仇恨，亦唔係一件事令到大家敵對，離離合合並非只為一件事，性格上有啲磨合唔到嘅地方，外人係唔會知道嘅。」
輝哥與兒子阮德鏘。（圖片：阮德鏘微博）
【粵劇唱將】阮德鏘生於梨園世家遺傳父母基因 粵劇流行曲一樣唱得 成多棲藝人 【下一頁】
輝哥的前妻尹飛燕與兒子阮德鏘。(圖片：東星娛樂)
（圖片：影片截圖）
【粵劇名伶】尹飛燕婚姻失敗單親湊大仔女 阮兆輝娶曾江前妻 兩家冰釋前嫌 【下一頁】
輝哥快將過 75 歲生日(11 月 11 日)，但他表示每年生日特別在小時候都會感到不開心：「因為日子接近年尾，亦係大家最窮去『撲水』過年嘅時候……」他表示今年都要為業界去努力籌款，希望政府可以放寬（防疫）措施，讓業界可以有所演出，「因為疫情會死人，肚餓都會死人！」
(圖片：東星娛樂)
撰文：林惠珊
責任編輯：楊安莉