麥家琪（現名：麥方喬）與苑瓊丹接受好友楊紹鴻、江美儀的電台節目《一起走過》訪問，暢談在亞視年代拍劇的點滴。麥家琪以17歲之齡參選《1993年香港小姐競選》，她笑言：「我嗰時真係覺得自己好靚，所以咪參選囉！」，楊紹鴻提到，當年爆出裸照事件轟動一時，但無礙她加入TVB發展，「為何這麼大膽15歲就拍裸照？」，她尷尬回應：「咁當然係有啲不能抗拒嘅原因，佢唔係我男朋友嚟呀，係我補習先生個男朋友，全因為我唔識拒絕人，唔識得say no囉！」
麥家琪港姐大熱落選做闊太 現婚姻危機靠一人解救 44歲生3個仔女依然如少女【下一頁】
(圖片：《一起走過》Facebook)
麥家琪跟苑瓊丹老友鬼鬼，在節目中互窒，非常搞笑。(圖片：麥家琪微博）
45歲的麥家琪保養得宜。(圖片：麥家琪微博）
苑仔一度笑麥家琪是裸照界「鼻祖」，比陳冠希事件發生得更早，又搞笑說：「冇乜嘢嘅，做個留念囉！」，老友鬼鬼的麥家琪反窒對方：「留念？你拍吖，(冇人要求我……）你自拍囉！」
2006年，麥家琪跟大律師王國豪結婚，先後誕下三孩，兩仔一女分別13、10和8歲，她直言湊小朋友「搞到頭都大」。有次大仔在商場質問她為何拍性感戲，她忍無可忍：「佢話我拍啲性感戲，話同學仔同佢講嘅，咁同學仔點知呢？一定係父母講啦！大仔喺商場問我，咁我咪一巴『星』過去！佢有少少Bully (欺負) 我。我覺得自己做過乜嘢事都好，我冇對唔住你，我做過乜嘢事都好，我都係你媽咪，你唔可以因為我以前嘅事，而冇傷害到你，換來你要咁樣質問我！」
楊紹鴻指小朋友可能覺得被傷害，只是不太懂得表達，麥家琪說：「唔使講喇，你覺得受傷害時其實都傷害緊我！我成日覺得啲人經常倒轉莊閒，成年人經常覺得小朋友應該被愛、保護小朋友係應該。我覺得有次序。小朋友對父母、長輩係要有孝心、尊重，但你有冇尊重過長輩？」
【讚周星馳係神】苑瓊丹自認臭脾氣曾鬧離婚 感激丈夫犧牲一切照顧病母【下一頁】
麥家琪當年雖有裸照流出，但仍成功入行演戲。(圖片：麥家琪微博）
(圖片：麥家琪微博）
(圖片：麥家琪微博）
麥家琪與三子女關係非常好。(圖片：麥家琪微博）
問到有沒有後悔？麥家琪直言：「有後悔呀，後悔自己點解咁任性，任性係因為我對呢個世界太多求知慾，覺得所有事都可以處理到。」，她又笑言老公經常開玩笑指後悔娶了她，「我成日扮聽唔到，理鬼佢，我派三隻卒仔（三個子女）去治佢！」
45歲的麥家琪表示自己沒有退出幕前工作，一直都有到內地商演，苑仔指：「佢好勁，一個月商演有十幾單工作！不過佢好好，即日來回返香港照顧仔女！」，麥家琪表示︰「一直不抗拒接劇，只要合適嘅我都樂意做。」
對於她的新名麥方喬，「其實兩個名都用得，點解改名呢？係因為相士話麥家琪呢個名會離婚，咁我為個家庭好改埋名喇！」
麥家琪近年頻頻往返內地出席商演活動。(圖片：麥家琪微博）
責任編輯：楊安莉