Liza姐汪明荃家住西貢6,000萬獨立屋，有個無敵向海露台大花園。她日前趁好天氣太陽普照，示範如何可以用盡露台每個角落。
Liza姐在Instagram上載了多張圖片，未睇內容，還以為她帶大家去了露天二手衫特賣場！現場展示超過一百套女裝名牌衫裙，帶大家眼睛去Shopping；睇真啲原來是Liza姐「曬衫日」，將衣櫃內的靚衫、靚裙搬到露台花園曬太陽，當中有不少是她出Show、上節目時穿過的服裝。好明顯Liza偏愛紅色、粉紅色，亦有金色、閃片、毛毛褸、格仔與花卉圖案目不暇給，數量相當誇張。
《愛回家》Rebecca學Anita扮少女釣金龜 抽水玩「天王嫂訓練營」傳聞夠貼地 【下一頁】
Liza姐將家中露台花園變成曬衫廣場。（圖片：汪明荃IG)
過百件名牌時裝，以為去了特賣場。（圖片：汪明荃IG)
曬衫原來是她自小跟母親學到的一個好習慣。（圖片：汪明荃IG)
Liza姐分享自己是傳承了母親曬衫的習慣，憶起擔凳睇公仔書的童年時光：「昨日超級好、又係曬衫日。這個習慣由細細個嗰陣已開始，當年住喺北角清華街、一座四層高嘅舊式樓宇，地下係車房和一間小士多店，頂層有一個大天台。我家住3樓，仲有一個騎樓。每年放暑假，媽咪都要我同家姐、細佬負責把家中各人的冬天衫、棉胎等搬上天台去曬太陽，是一個好大嘅工程，仲要連續曬2日 ！確保所有衣物都清潔 、殺菌、冇蛀壞、冇發霉……咁做啲衫就可以著耐啲、襟用啲。仲記得曬衫個陣我會擔凳仔坐定定睇公仔書、武俠小說，因為我要守住/睇住啲衫，驚畀人偷咗呀……真是童年的快樂時光。」
汪明荃羅家英西貢6000萬超級皇宮 梯級打卡位逼爆50人合照 【下一頁】
閒時露台花園是阿姐兩隻愛犬的休閒小天地。（圖片：汪明荃IG)
豪宅有千呎花園還有長樓梯，成了阿姐用來和朋友的打卡點。（圖片：汪明荃IG)
正如Liza姐說，曬衫是個大工程，過百件衫由衣帽間搬到露台花園已非易事，仲要逐一放好，衣物足足擺滿幾張摺枱、木椅，露台上的玻璃圍欄都不放過，甚至將滿滿衣服排列到地板上; 幸好她有三個工人姐姐幫手 ，不然攞得出嚟，再放番好都怕日落西山。
（圖片：汪明荃IG)
在疫情下，阿姐和家英哥不用開工，會留在家中撐枱腳。（圖片：汪明荃IG)
網民對Liza姐這種天然衣物殺菌方法紛紛激讚，有網民卻擔心一問：「想像唔到突然落雨點算？」，阿姐即是阿姐，點難到她？「咁就留意天氣報告啦，香港天文台都OK㗎!」
仲有網民見到一片「衫海」就叫阿姐忍下手，否則要買多一間大屋放靚衫。大家都羡慕她有間大屋，指現在香港寸金尺土，根本沒地方可以曬衫。
豪宅露台花園地方好大，過時過節阿姐都有請唔少圈中同事嚟屋企開大食會。(圖片: 汪明荃IG)
撰文：衛紫敏
【媽媽的抉擇】 林珊珊大方接受細女拍拖Po性感相 「如果年輕又有身材我都會啦！」【下一頁】