【洗米嫂40歲牛一】洗米華講出兩個字為老婆「定心」 網民代入肉緊恭賀:永遠的周太

綽號洗米華嘅太陽娛樂集團老闆周焯華噚晚喺澳門為太太陳慧玲（洗米嫂）慶祝40歲牛一，除咗一如以往全家人總動員出席外，洗米華仲即場送咗一隻係女人見到都會發狂嘅20幾卡鑽石戒指冧老婆，見慣大場面嘅洗米嫂好冷靜咁同呢粒5蚊銀咁大嘅鑽戒風騷合照，非常霸氣！

{{hket:inline-image name="8.JPG"}}{{/hket:inline-image}}

（IG圖片）

但洗米華嘅生日「攻勢」一浪接一浪，令到老婆終於都忍唔住「水壩潰決」。洗米華孖阿仔周柏豪親自邀請親友拍片，合唱葉德嫻名曲《幸運是我》，喺現場驚喜播出為老婆賀壽。據知洗米嫂好鍾意呢首歌，事後喺自己IG Po相同短片，並留言：「幸運是我！」

{{hket:inline-image name="11.JPG"}}{{/hket:inline-image}}

（IG圖片）

{{hket:inline-image name="10.JPG"}}{{/hket:inline-image}}

（IG圖片）

片中洗米華Chok嗌老婆做「華嫂」，並高唱《幸運是我》表心意。洗米嫂苦盡甘來，忍唔住爆喊都實在好正常！而她的Fans都非常肉緊同代入，留言：「華哥一句華嫂，值得了！生日快樂」、「你是永遠的周太」、「唯一嘅華嫂」同「其他野花野菜一世都比唔起你」等，網民當正自己係洗米嫂好姊妹咁！

{{hket:inline-image name="1.JPG"}}{{/hket:inline-image}}

（IG圖片）

洗米嫂被老公冧到現場爆喊，洗米華見老婆咁感動，都忍唔住眼濕濕，場面感人呀！之後兩夫婦又上再台合唱情歌，真係琴瑟和鳴，睇嚟「前事不計」，二人關係已經完全修補好喇！

相關新聞：Mandy Lieu英國定居罕有「蒲頭」神隱5年轉行做專欄作家冇走樣【下一頁】

{{hket:inline-image name="3.JPG"}}{{/hket:inline-image}}

（IG圖片）

{{hket:inline-image name="5.JPG"}}{{/hket:inline-image}}

（IG圖片）

{{hket:inline-image name="12222.JPG"}}{{/hket:inline-image}}

（IG圖片）

一眾網民除咗為佢獲得最後勝利高興之餘，仲好羨慕佢保養得宜，身形弗到漏，面上仲冇歲月嘅痕跡，連一啲小小嘅雀斑仔「瑕疵」，都係老公要求佢保留，真係Sweet到爆呀！唔怪鬼咁多女士都話封佢做偶像啦！