【聲明】港生活網站並無進行電話推廣活動

姜皓文自爆係萬梓良徒弟

發佈時間: 2020/11/03

由崔建邦及張秀文主持的清談節目《諸朋好友》,前晚第一集播出姜皓文(黑仔)的訪問。86年參加亞視《電視先生》入行的黑仔,自爆曾年少氣盛,得罪了不少撰稿員、編劇及導演:「我曾經好怕人望住我做戲,試過有個唔係我哋節目嘅監製,喺度唸唸有詞,我同佢講『你好騷擾我,你可唔可以出廠先』。」

黑仔自言在演藝路上遇到不少貴人,萬梓良是其中一位,黑仔在05年跟萬梓良結為師徒。他說︰「嗰時我無嘢拍,去做私房菜,萬子哥每次返港都會嚟我餐廳捧場,又介紹製作單位給我,帶我去登台。他帶我去新加坡登台,喺台上話我係佢徒弟,仲買咗條手鏈畀我;他又半夜三更打電話畀監製,叫對方用我,他對我好肉緊,好有心。」

崔建邦昨日接受《晴報》電話訪問,透露現時已錄影了五集,很感激一眾嘉賓真情流露,尤其早前喪妻的黃日華。他說︰「請到華哥(黃日華)上節目真係萬分榮幸,佢講咗好多心底話。(提起已故太太梁潔華?)係一個好傷感嘅情景。」

姜皓文自爆係萬梓良徒弟

萬梓良

姜皓文自爆係萬梓良徒弟

痛失愛妻的黃日華(左),與好兄弟苗僑偉一同受訪。(網上截圖)