【聲明】港生活網站並無進行電話推廣活動

與陳煒台慶鬥廚藝 黎諾懿:好多人等睇我煮燶嘢

發佈時間: 2020/11/04

黎諾懿與陳煒昨日錄影《萬千星輝賀台慶》項目,二人預告在19號台慶當晚會大鬥廚藝。「逆境廚神」諾懿毫不擔心屆時會失手,反而覺得若有「蝦碌」鏡頭,節目才會更好睇:「到時一定會着火!」

黎諾懿、陳煒及黃智賢等昨日穿上廚師服,為台慶節目預先錄影部分鏡頭。諾懿與煒哥在台慶當晚會即場大鬥廚藝,諾懿表示去年台慶要錄播,今年雖然改回直播節目,但因疫情關係沒有安排現場觀眾:「當然有觀眾會開心啲,好似一齊玩咁。」諾懿屆時會以煎牛扒迎戰煒哥的龍蝦菜式,他說:「雖然我戒咗食牛好多年,不過其實落鹽同黑胡椒已經可以調味,今次會搵最靚嘅牛去炮製。」

煒哥表示台慶當晚會煮法國藍龍蝦及西班牙紅蝦:「呢兩種海鮮一向好貴,加上好少有,要新鮮先煮得出鮮味。」問二人會否擔心到時直播下廚會失手?諾懿笑說:「其實失敗反而仲好睇,太完美就似廚房佬,以我所知好多人都等睇我幾時煮燶嘢,我反而覺得幾得意。」煒哥則自言平時在家可以慢慢煮,但現場下廚時間緊迫,可能會失手。

唔敢唱國語歌

至於會否在台慶節目獻唱國語歌?一向歌藝「驚人」的諾懿搞笑說:「你哋都知我唱歌好『猛料』㗎啦,廣東歌都未搞得掂,如果唱國語歌,我驚以後無得撈,你哋見唔到我,真係獻醜不如藏拙。自己知自己事,我都係揸番鑊鏟算啦。」身材出眾的煒哥,預告已準備好台慶戰衣,到時會以性感打扮示人。

採訪︰Pauline

編輯:李潔盈

美術:Simon

與陳煒台慶鬥廚藝 黎諾懿:好多人等睇我煮燶嘢

陳敏之(左三)及陸浩明(右)盛裝任司儀。