曾志偉賣樓賺近億 新抱王敏奕想為母置業

王敏奕昨日綵排台慶環節，她表示台慶當晚跟黎諾懿合作，炮製三款不同味道的牛扒。她笑說：「我煮牛扒有啲心得，因為老公（曾國祥）鍾意食，試過喺屋企整熟成牛扒，不過結婚後反而少咗煮飯。」原來她自小已入得廚房，皆因她經常協助母親煮飯。

提到老爺曾志偉早前售出西貢獨立屋，勁賺逾9,500萬元，王敏奕笑言不知情，只看過朋友轉發給她的報道。問她可會向志偉請教投資心得？她說：「我會畀心機工作，賺咗第一桶金先。我唔識投資，反而糖妹有教過我，但我聽到一頭霧水。不過我覺得最穩陣係買樓，希望盡快儲到錢，喺香港買層樓畀媽咪住。」