陳柏宇 (Jason) 同符曉薇（Leanne）一向恩愛，自從囡囡陳羿辰（Abigail）出世後，他們一家三口大方將生活片段分享，不少IG粉絲都會追看他們的直播，大讚Abi好可愛，跟爸爸十足十餅印一樣。
眾所周知，Jason是名「女兒奴」，一向疼錫Abi，女兒一出生就開為她開設IG帳戶，記錄其成長 ; 「曬B狂魔」幾乎每朝早都會陪女兒食早餐兼一齊開live，陪她去玩玩具，牙牙學語的Abi叫「爸爸」，他都冧聲回應，而且有求必應，從不嫌煩，非常有耐性。不過Leanne就視之為丈夫的縱容，激到紮紮跳。
【玩‧謝我阿婆】陳柏宇3歲父母離異入住兒童之家 婆婆心痛靠包糉照顧他長大成人【下一頁】
Leanne認為女兒Abigail是時候要戒掉鬧脾這個壞習慣。(圖片：符曉薇IG）
「曬B狂魔」同女兒一齊開live！（圖片：陳羿辰IG截圖)
（圖片：陳羿辰IG截圖)
Leanne在IG表示，近日正努力令Abi戒掉壞習慣，因為女兒自小就喜歡用手搣父母的嘴巴入睡。過往Leanne常稱被Abi搣到下巴都是抓痕，起初見小朋友需要安全感當然會遷就她。
Leanne在IG的限時動態留言：「喊咗成晚，喊到而家，為咗要搣我個嘴，因為我噚晚開始唔俾個女搣。」只見到Abi含住奶嘴，不斷放聲大哭，實在可憐 ; 要戒掉壞習慣都需要時間，Leanne說：「話說我噚晚好堅持唔俾Abi搣嘴，佢喊就正常啦，就連瞓到三更半夜都會喊醒，戒乜嘢都要經歷呢個時候……」最正係呢句︰「喺呢個時候老鼠屎 (指Jason) 又發揮佢嘅光芒，因為喊聲嘈醒咗佢……」因為Jason突然同太太講「畀佢搣啦！」，Leanne︰「我冇講嘢，因為我知我一講就講粗口。」
【勇敢的媽媽】陳柏宇老婆佗第二胎大量出血 宮外孕致輸卵管爆裂緊急做手術【下一頁】
(圖片：符曉薇IG）
(圖片：符曉薇IG截圖）
(圖片：符曉薇IG截圖）
(圖片：符曉薇IG限時動態截圖）
被Leanne形容為「老鼠屎」，Jason又何止「一宗罪」？原來他誤將Abi報讀幼稚園的面試片段放上網公開！「有人同我講，Abi面試條片喺whatsapp傳緊，我諗極都諗唔明點解會有，打俾老公，佢同我講因為有間學校要用YouTube send，佢又唔識Private所以就公開咗 ; 我話學校Email有教你你係咪無睇，佢答係，之後我同佢講Bye Bye老鼠屎。」
(圖片：符曉薇IG截圖）
Jason跟Leanne於2017年結婚，婚後誕下Abi，曾以為懷上第二胎，可惜是宮外孕令輸卵管爆裂，女方要接受手術，最終空歡喜一場。幸好，在超級樂觀的丈夫陪伴下，Leanne總算走出陰霾，放鬆心情再嘗試迎接新生命，為Abi找個伴。
(圖片：符曉薇IG）
責任編輯：楊安莉