【聲明】港生活網站並無進行電話推廣活動

被批來年紅鸞星動 薛家燕拒嫁:桃花運傳畀兩個女

發佈時間: 2020/11/05

薛家燕前晚穿上紅色低胸晚裝錄影《流行經典50年》,現年70歲的家燕姐有一位年輕12年的圈外男友,日前她被堪輿學家李居明批算明年紅鸞星動,不過她笑言已「一把年紀」不會再嫁,反而盼望兩名女兒早日拍拖結婚。

薛家燕與譚嘉儀等前晚錄影節目,家燕姐提到李居明的批算時笑說:「大師係指觀眾緣,我入行60幾年,唔係有觀眾緣,點吸引到大家睇咁耐。」至於桃花方面,家燕姐表明不會再嫁,只想將桃花運傳給兩個單身女兒,她又搞笑說:「阿女叫咗我唔好成日對人笑,好易令人誤會,以前都試過人哋見我笑,以為我鍾意佢。」

家燕姐講笑說,拒嫁是為大家着想:「我唔嫁係畀個希望大家,如果我一嫁,大家就好失望。」男朋友豈非十分失望?她說:「男朋友寧願我退休多啲!(擔心男友移情別戀?)如果佢要搵另一個就算吧啦,我希望對方以我為中心,唔好三心兩意。」至於大女石祐珊及細女石耀珠目前無拍拖,擺明恨嫁女的家燕姐說:「兩個女邊個嫁先都無所謂,我會幫佢哋留意下。」

譚嘉儀搵男友最緊要專一

同場的譚嘉儀提到好友鄭俊弘(Fred)將在周六(7日)結婚,問她到時留意兄弟團可有理想對象?她笑說:「Fred啲兄弟我見過晒,有好嘢佢一早就介紹咗畀我。」她笑言愈心急愈找不到合適對象,又表示將來男朋友是否圈中人也沒所謂:「最緊要專一同幽默,因為未入行前曾經被人呃,受過情傷,原來對方有好多女朋友。」

採訪︰Pauline

攝影︰林良明

編輯:李潔盈

美術:梁政敏

被批來年紅鸞星動 薛家燕拒嫁:桃花運傳畀兩個女

薛家燕十分緊張大女石祐珊(前排左)及細女石耀珠(前排右)的姻緣。(資料圖片)

被批來年紅鸞星動 薛家燕拒嫁:桃花運傳畀兩個女

單身多年的譚嘉儀不想再受情傷,所以謹慎挑選對象。