【聲明】港生活網站並無進行電話推廣活動

工人姐姐零煮意 霆鋒sell「臘腸」做早餐 軒仔︰咁嘅大師兄去邊度搵

發佈時間: 2020/11/05

近日張敬軒(軒仔)頻頻在IG出Po,暗諷新外籍傭工「無煮意」,每日早餐不是白粥就是麵包。昨午謝霆鋒拍片向軒仔推介新出的鋒味「臘腸」當早餐,又示範用微波爐叮熱兼「Chok住歎腸」,愛開玩笑的軒仔竟以「有味」留言回應︰「我會保護好你啲腸,唔會畀遮遮怪(傭工)傷害佢哋㗎!」

軒仔將於本月22日在紅館開騷,近期他在IG未有分享個唱的準備工作,反而不停上載看來淡而無味的早餐照片,引來不少網友紛紛安慰他。昨午,霆鋒在鋒味IG上載短片︰「My darling張敬軒,我睇到你嘅早餐實在太可憐,所以喺度介紹呢個粒粒腸畀你,其實佢係臘腸,但有好多唔同口味,只要放幾粒入碗,落大約一茶匙水,包保鮮紙叮30秒就搞掂,救番你好慘嘅早餐!」霆鋒又稱︰「你可以同『姐姐』(傭工)講,Everyday 30 seconds,good breakfast!(每日30秒,有好好的早餐)」

冀霆鋒親手餵食

片段中,霆鋒示範簡單煮法兼Chok住歎腸。獲大師兄如此特別照顧,一向在IG非常口賤的軒仔亦轉發該短片,自言「終於有啖好食」,他更#hashtag「霆鋒請我食腸」,笑死一眾花生友。軒仔並留言︰「我的好日子來臨了,咁嘅大師兄去邊度搵!」由於霆鋒近日身在內地,軒仔忍不住稱︰「我等佢返嚟親手請我食,我又親手請佢食遮遮嘅早餐!」

此外,軒仔將IG帳戶的大頭相改為霆鋒騷粒粒臘腸的截圖,以示對大師兄的敬意。不少粉絲喜見軒仔終於獲得打救;有人更留名等睇他表演食腸。

撰文︰Steven

編輯︰黃寶恩

美術︰Simon

工人姐姐零煮意 霆鋒sell「臘腸」做早餐 軒仔︰咁嘅大師兄去邊度搵

霆鋒向師弟軒仔推介「粒粒臘腸」,又拍片做「教煮」。(IG截圖)

工人姐姐零煮意 霆鋒sell「臘腸」做早餐 軒仔︰咁嘅大師兄去邊度搵

軒仔近期的早餐不是白粥就是麵包,禁不住在IG不停發帖呻無啖好食。(資料圖片)

工人姐姐零煮意 霆鋒sell「臘腸」做早餐 軒仔︰咁嘅大師兄去邊度搵

軒仔刻意將「工人姐姐」的側面照Po上IG,吸引大量網友評頭品足。(資料圖片)