【聲明】港生活網站並無進行電話推廣活動

講起緋聞即標汗 方力申八卦陳瀅是否單身

發佈時間: 2020/11/05

方力申(小方)早前被踢爆主動約會陳瀅,可惜慘食女方檸檬。小方昨日被追問此事,問他倆可有發展空間?小方強調︰「無嘢係無可能!」莫非想跟黃宗澤、賭王四房公子何猷亨「拗手瓜」?

方力申去年完成45公里環島泳,為慈善機構籌得超過1,500萬元善款,整個過程製作成紀錄片,並於昨日舉行首播會。小方透露由環島泳至今,仍保持早上五時起床游早水的習慣,一星期最少四、五次,本來計劃今年挑戰由大嶼山游去澳門,無奈因封關而告吹。小方笑指︰「依家自身都難保,籌款都籌畀自己先,游水學校今年蝕咗41萬,依家『荷包乾硬化』,如果籌到100萬都唔錯。」

問小方可有約陳瀅游水?他說不知道對方的泳術如何,又煞有介事指自己從來沒有藉口教游水追女仔,而且藝人學游水也不會有折扣,非常均真。問他跟陳瀅可有發展空間?小方續稱︰「無嘢係無可能㗎喎!但我暫時無約佢食飯。(佢有男朋友?)唔知,佢咁秘密,你哋(傳媒)幫我問下,如果有男朋友嘅女仔,我見都唔會見,連電話都唔會攞呀!」小方提起陳瀅竟然答到滴汗,要用紙巾抹汗,場面搞笑。

張繼聰今年開工少過10日

同場的張繼聰透露下月中到澳門拍文藝片,不介意來回要接受28日隔離。他直言今年開工不足十日,幸好拍了幾個廣告,自己亦有點積蓄,太太謝安琪都是精明理財的人。阿聰表示︰「最緊要心中富有。(疫情下買咗幾多架電單車?)有兩、三架,電單車唔係好貴啫,我大個仔㗎喇,早排有朋友撩我買車,我都話唔買喇!」

撰文︰倪小珊

編輯︰陳禮恒

美術︰梁政敏

攝影︰林良明

講起緋聞即標汗 方力申八卦陳瀅是否單身

陳瀅(資料圖片)

講起緋聞即標汗 方力申八卦陳瀅是否單身

張繼聰(右)、歐鎧淳及樂易玲等,昨日撑方力申的環島泳紀錄片首播。