The LOHAS康城第2階段開放 大玩互動元素

大家喺疫情下無得去旅行，其實本地商場都有好多嘢玩，黛安知道，將軍澳日出康城嘅全新大型商場The LOHAS康城第2階段日前已開放，仲為大家帶來4大必玩互動數碼娛樂專區，其中有個全港最巨型8米高LED打卡幕牆，配合科技同創新元素，打造50幾個打卡場景，好似極光小屋、鬱金香風車花海等！

另外仲有「互動體能運動區」，有超逼真單車賽道同跑道，可以喺室內涼住冷氣親身體驗運動快感，過程仲會記錄燃燒了的卡路里，兼將腳踏動力轉化為電力，為手機充電。場內正推出連串優惠及推廣活動，送出總值逾100萬元嘅商場現金禮券，而即日至本月30日MTR Mobile登記用戶喺場內指定商舖即日累積消費滿800元，仲可獲港鐵商場100元現金禮券㖭。