蘇志威和劉小慧結婚23年，先後育有兩女，大女蘇君蕎（Yumi）21歲，而細女蘇靖珺（Ina）則13歲。近日小慧竟然公開在Facebook揚言要飲新抱茶，原來她是特別為「兒子」巨犬Bear Bear招親，希望可以為牠留後。
小慧在Facebook上載三張Bear Bear的合照並說：「之前一直有個心願，就係飲新抱茶，話哂我得兩個囡，咁就梗係將呢個重任交咗比Bear Bear。當然我哋主要目的唔係想百子千孫，而係想趁而家Bear Bear行得走得、玩得食得瞓得，同佢搵個老婆仔，影下相，甚至乎開個wedding party作為留念，影婚紗相、過大禮。至於大狗小狗都冇問題，因為Bear Bear喺屋企成日照顧兩隻小貓，兩個打交，都係Bear Bear出嚟令佢哋和解！Bear Bear剛生日11歲，其實早幾年已經想咁做，不過我總是拖延，好啦，有心唔怕遲！Bear Bear 你等著娶老婆啦！唔一定係高加索犬！大細狗都ok！絕育與否都無問題！」
【直播】劉小慧親身教你正確洗頭四部曲 原來好多人都忽略重要一步【下一頁】
Bear Bear 11歲大個仔要成家立室。(圖片：劉小慧Facebook）
Bear Bear真係好大隻。(圖片：劉小慧Facebook）
(圖片：劉小慧Facebook）
(圖片：劉小慧Facebook）
招親男主角：Bear Bear（高加索犬，男性，11歲）
- 性格隨和、乖巧、不亂吠 (除了有生面口入屋, 否則出街都唔吠人)
- 黐身 (成100磅仲以為自己係BB, 挨身挨勢)
- 喺屋企擔當和平主義者 (兩隻貓打交時會出嚟調停)
- 家中有爸媽、兩個姐姐、藏獒Coolman、異國短毛貓波波、異國短毛貓豹豹、仲有駿王同蟲草天峰
【直播】劉小慧20年前結婚舊片再出土 老公蘇志威「依家攬住瞓都唔畀」【下一頁】
Bear Bear非常之聽話，帶佢出街冇問題。(圖片：劉小慧Facebook）
Bear Bear係女兒的玩伴。(圖片：劉小慧Facebook）
(圖片：劉小慧Facebook）
蘇志威同Bear Bear玩緊詠春黐手？(圖片：蘇志威Facebook）
小慧對Bear Bear讚口不絕，指牠懂得聽人話，識得應咬人時咬人，不應咬時就不會咬，「呢種可以作為家庭犬，佢對體積細過佢嘅人、狗、貓都好避忌好小心，而且好親近小朋友，所以喺外國呢種狗可以湊小朋友，唔止係工作犬或守護犬。」
其實小慧同蘇志威鍾情巨型犬的另一原因是為「保安」，事關他們的豪宅位於飛鵝山嵐霞路，附近沒有公共交通工具，人煙稀少，過往居所附近的鄰居先後發生多次遭到賊人爆竊，高峰期曾經試過一個月內三度發生爆竊案。高加索犬Bear Bear和藏獒Coolman就成為蘇家的保鑣，確保居所和家人的安全。
蘇志威曾經在訪問中指，居所附近太靜，所以養兩隻大狗不是單純玩樂，而是看門口。雖然曾被愛犬誤咬，但他澄清跟愛犬無關，只是自己在不適當的時候走近，才會造成意外。
藏獒Coolman都係大狗一族。(圖片：劉小慧Facebook )
露台好大，兩隻貓瞓得好舒服。(圖片：蘇志威Facebook）
(圖片：蘇志威Facebook）
鞋櫃高過兩米，好壯觀。(圖片：劉小慧Facebook）
直播見到廚房好寬敞。(圖片：劉小慧Facebook直播截圖）
花園仲可以BBQ，真開心。(圖片：劉小慧Facebook直播截圖）
責任編輯：楊安莉