【聲明】港生活網站並無進行電話推廣活動

隔空宣傳《使徒行者3》 林峯笑認湊女生活好開心

發佈時間: 2020/11/06

台慶劇《使徒行者3》將於下周一在翡翠台首播,劇中演員苗僑偉(三哥)、袁偉豪、黃智雯及黃翠如等昨日出席宣傳活動。林峯雖然身在深圳拍戲,但接受電話訪問跟大家互動,當三哥問他的湊女生活如何,林峯似乎來不及反應,還尷尬稱:「乜唔係問劇情咩?」

林峯昨日隔空參與宣傳台慶劇《使徒行者3》,苗僑偉笑問他是否掛着開工搵奶粉錢?林峯不懂反應,只稱忙於開工。司儀問他拍攝時可有難忘回憶?林峯表示跟一班台前幕後合作很開心。當現場演員互選誰在劇中最chok,大家不約而同指着三哥,連林峯都認同說︰「呢個世界無人chok得過三哥,佢瞓醒嗰下已經chok。」司儀趁機追問他當爸爸的生活如何?林峯只好推說:「開心,好開心,會更加努力工作。(係咪要賺奶粉同尿片錢?)無錯。」

三哥其後向傳媒爆料稱已看過林峯B女的照片,他笑言︰「有啲似阿峯。(有無講湊女經?)等佢返嚟先啦,佢應該都要拍到過埋年,預咗佢返唔到嚟宣傳,所以一定要屈佢請食飯。」提到林峯尷尬避談B女,三哥對此表示︰「偶像對呢啲嘢可能有啲避忌,不過都係開心嘢,又唔係未公開,佢可能未習慣啦。」

三哥智雯咀戲被刪

三哥和智雯在《使徒3》有咀嘴戲,兩人皆表示只屬蜻蜓點水式,該場咀戲在內地版本欠奉,他們希望香港觀眾可以看得到,即使收錄在「彩蛋」也好。三哥提到拍攝該場咀戲時,本來想突然咀過去,但他笑言︰「後尾諗諗下都係要同佢(智雯)講聲,怕佢揼瓜我,因為佢喺劇入面都係武林高手。」

採訪︰Pauline

編輯:陳禮恒

美術:梁政敏

隔空宣傳《使徒行者3》 林峯笑認湊女生活好開心

誰人在劇中最chok?全場不約而同指着苗僑偉,場面搞笑。

隔空宣傳《使徒行者3》 林峯笑認湊女生活好開心

黃智雯、江美儀在活動上大鬥性感。