蔡思貝咀張振朗 唔擔心激嬲胡鴻鈞

蔡思貝、張振朗同時有份演出兩部台慶劇《使徒行者3》及《踩過界II》，但原來《使徒3》才是兩人合作以來的第一次咀嘴。思貝表示︰「都ok，一入戲就理所當然，呢個係我哋拍戲嘅風格，拍得好自然，好似韓劇咁sweet，我自己都睇到嘴角上揚，希望觀眾都會睇到心花怒放。（會否叫緋聞男友胡鴻鈞睇？）個個朋友都會叫，內地都好鍾意我哋呢對CP，係一對好虐心嘅CP。（驚胡鴻鈞睇到眼火爆？）唔會，大家朋友一定會支持。」

同場的馬國明在《使徒3》為哥哥陳豪報仇，講到首次演反派，馬明澄清︰「我自己唔覺得係奸角，但觀眾睇就會覺得係，只係環境令到佢行呢條路。」提到馬明忙於拍攝兩套醫療劇《兒科醫生》及《白色強人II》，他表示活動後即趕回《兒科醫生》劇組繼續開工，他苦笑謂剛拍完通宵戲，緊接將要「轉科」拍《白色強人II》。記者笑他豈不是賺很多？馬明笑謂︰「所以我咪好抵用囉！」